تريد انـــساك

موضوع: تريد انـــساك الخميس ماي 15, 2008 11:02 am

تريد انساك كلي شلون انه انساك

هم شفت النهر لحظه نسه جروفه

انت كتاب كلبي واضح من اقراك

بدموع اليالي انكتبت حروفه

ياشمعه درب تضوي على العشاك

من بعيد نورك يشع وانشوفه

ياكلك حياتي وكلي انه وياك

خل حبك جرح للموت ماروفه

يل طبعك كمر واتسامر النجمات

لو عنهن غبت تتنطر طيوفه

ياحاتم كرم معروف صيتك دوم

ديوانك يرحب دوم بضيوفه

يافرحه امل لو تمر بين الناس

احس بغداد عدنه الليله مزفوفه

ياناي الحزن بيك انعزف موال

وكلماتك لحن مامنهه معزوفه

مو انت بحياتي صرت اليه الروح

وهاي الروح مثل الشمس مكشوفه

لو عني ارحلت اي حال امرن بيك

مثل حال اليتيم ودمعه بجفوفه

واكلك شوف وكتي شسوه بيه اليوم

بكليبي بقن طعنات لسيوفه

تحياتي
الفراشه

_________________

موضوع: رد: تريد انـــساك الخميس ماي 15, 2008 5:16 pm

مشكوره حبيبتي على القصيده الروعه

عاشت الايادي

بانتظار المزيد

تحياتي

بنت كربلاء

_________________

موضوع: رد: تريد انـــساك الخميس ماي 15, 2008 9:07 pm

مشكوره حياتي للمرور العطر
تحياتي
الفراشه

_________________

كلمات جميلة عاشت ايدج

الله الله عليج

قصيده رائعه ياورده

نتظر المزيد من الابداع

تحياتي

_________________

شكرا على الكلام الجميل

عاشت الايادي

تحياتي لكي

شاكر

_________________

موضوع: رد: تريد انـــساك الجمعة ماي 16, 2008 7:46 pm

مشكورين للمرور العطر
تحياتي لكم
الفراشه

_________________