انتظرناكم

انتظرناكم زمان انعد بالايام نكول اليوم لو باجر ترجعون
امل عدنه نتلاكة بعد الفراك وبدال الواهلية نطش العيون
صبرنة سنين نتكلب على النار ونسينة شلون خلك الله ينامون
رماد فراشنه وغطانه الهموم وصفينه وي الحزن فد شكل فد لون
تهب الريح مرة تحرك الباب نفز نركض نظن انتم تدكون
مساجين انتو؟ لو احنه مساجين يهل غياب ياهو البينة مسجون
يومية رقم عالحايط نضيف امتلت حيطانه يمتة تردون
نعاين عالسمة ونحسب بالنجوم كل يوم اليمر شو يزغر الكون
وعلى هالحال عشنة بآآآخ وبآآآآآوف السنة تمر بالف مما يعدون