عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةبوابة النجومس .و .جبحـثالتسجيلقائمة الاعضاءالمجموعاتدخول

شاطر | 
 

 حبيبي العراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الاميره
نجم مميز
نجم مميز


العمر : 27
الجنس : انثى
المشاركات : 668
عدد النقاط : 6656
تاريخ التسجيل : 24/10/2007

مُساهمةموضوع: حبيبي العراق   الثلاثاء فبراير 19, 2008 5:55 pm

(حبيبي العرااااااااااااااااااق)


منت وحيد انت الشعب كله بشيعته وسنته.
منهو الكالك ناسيك هم ينسه الكمر وكته لو نبض الكلب يتنكر بدكته.
بس انت عشك مفضوح وعشك الناس كلهه مساتر وسكته.
صرت انت بت وبركبة يهودي هم شايف يهودي يجوز من سبته.
انت الفارس اليسبق هبوب الريح وما ظل خيل سابكته.
وانت اليرهم ترابك كحل للعين ودوة للماشفت علته.
ومن طينك نحني جفوف المعرسين وكل اصبع فرح من طينتك حنته.
وانت الريحة ترابك ترد الروح هيل وزعفران وعنبر بشمته.
ومثل تراب كاعك مالكينه تراب يرهم للصلاة من طينته تربته .


انت ينام بيك المرتضى الكرار أبو الحسنين الكلهه التلوذ بشارته وبخته.
وانت ينام بيك بكربلاء حسين الما بايع الطاغوت ودنك ركبته .
وانت البيك ظلت شارة العباس لمن طاح دنكلة الفرات وباسة من شفته.


من طلعت منك يوم طرني البين كلبي وياي ماجبته .
اثاريني نسيته هناك كلبي عندك أمنته.
شتلته بجرف دجلة الخير ومن سباح الشواطي شربك تبته.
وانت الدمع يجري بوسط ذيج الكاع وبماي الفرات ودجلة عمدته.
ولمن صار ينقل جدمه بين الناس أخذته وياي للكاظم على الشباك زورته .


صح لمن طلعت تأقلمت وية الغرب فد نوب وصرت ماصخ مثلهم والملح عفته .
وصح كمت أرطن رطنهم لمن يرطنون ولسان العرب بالاعجمي كسرته.
لكن لكن مدري شنهو يصير بيه من يمر طاريك أحسنك دفة تموز وسط شته.


العالم نسة يوم 11 من أيلول صارت بيك سالفته .
ناس تكول لازم نحتويك ونشفط البترول وناس تكول لازم نسرك بركته .
وناس تكول لازم هالحصار يدوم وناس تكول لازم ننزع أسلحته .
وناس تكول خطية أطفاله ماتوا من الجوع وناس تكول حيل وياه ماحمد ربه وشاكر نعمته .
جي انت حلو والدول منك تغار ما عدهم العندك من مجد ملته .
انت أول وطن ادم وضع جدمه عليه وكال يا الله لانك وصلة من جده.
وانت أول وطن حبه النبي ابراهيم ودعا ربه يصونه برحمته وعزته.
وانت اول وطن مرسه لسفينة نوح ونبي أيوب ناخت بيك راحلته.
وانت اول وطن علم العالم أبجدية ويكتب التاريخ وانت أول وطن للقانون سننته .
وانت أول وطن كالتله الشمس يمه صباح الخير ولو رادت تمسي تمسي يم كبته.
وانت أول وطن ما تشبه الاوطان مدري شلون ربك خلقك سبحان ربي شلون صورته.
صورته العراق وبس علينه يلوك واحنه نلوكله لمن يحل وكته .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هموني العراقي
نجم خبير
نجم خبير


العمر : 25
الجنس : ذكر
المشاركات : 5435
الدولة : العراق ღ گلبي كربلاء
عدد النقاط : 8603
تاريخ التسجيل : 21/10/2007

مُساهمةموضوع: رد: حبيبي العراق   الثلاثاء فبراير 19, 2008 8:04 pm

انت ينام بيك المرتضى الكرار أبو الحسنين الكلهه التلوذ بشارته وبخته.
وانت ينام بيك بكربلاء حسين الما بايع الطاغوت ودنك ركبته .
وانت البيك ظلت شارة العباس لمن طاح دنكلة الفرات وباسة من شفته.
الف شكر ياو رده على القصده الجميله

ننتظر الاجمل دائماً
تحياتي وتقبلي مروري

ـــــــــــــــــــــــــــــــــــــــــــــــــــــــــــــــــــــــــــ




[center][ندعوك للتسجيل في المنتدى أو التعريف بنفسك لمعاينة هذه الصورة]
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الاميره
نجم مميز
نجم مميز


العمر : 27
الجنس : انثى
المشاركات : 668
عدد النقاط : 6656
تاريخ التسجيل : 24/10/2007

مُساهمةموضوع: رد: حبيبي العراق   الثلاثاء فبراير 19, 2008 8:59 pm

مشكووور على هاالطله الحلوه
نورت
تحيتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
وردة الجوري
نجم فعال
نجم فعال


العمر : 29
الجنس : انثى
المشاركات : 414
الدولة : كربلاء
عدد النقاط : 6430
تاريخ التسجيل : 15/02/2008

مُساهمةموضوع: رد: حبيبي العراق   السبت فبراير 23, 2008 1:11 am

عاشت الايادي على الكلمات الجميله بحق بلدنا الجريح
يسلمو غاليتي ننتظر المزيد من التميز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حبيبي العراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O المنتديات الادبية O.o°¨ :: منتدى الشعر الشعبي-
انتقل الى: