ولك ارجــــــــــــــــــــــــــــع من الســــجن

ماعندي جرح يتحمل اللجمات
ولا ظل حيل عندي وللملامة احمل
صرت جتال خلك ليش يالمحبوب
وليش بلا ذنب لليوفي الك تجتل
مو عشرة شمع راح اشعل العشرين
بس كونك تجينه وبأرضنه اتحل
آخر مرة شفتك جنت مامرتاح
كلامك بيه عبرة وتضحك اتمثل
شبيك آنه اسألت كتلي طبيعي الحال
وحالك موطبيعي وجنت متبدل
اعرفك مثل روحي واكثر من الروح
كلي شبيك واحجي ومني لاتخجل
لجن واكف عفتني ورحت عني بعيد
اذا زعلان كلي بيا سبب تزعل
مثل واحد لأمه جنت احن اعليك
وجنت بنياط كلبي هواي تتمعجل
ابعدت عني وبقيت متاني ترجع يوم
ومثل مهرة احلامي اتنطرك تصهل
عسه بعيني العمة لو انته مو بالعين
وكون من البواجي ادموعها اتوشل
بفراكك حبيبي مالفاني العيد
وصدك يوم عيدي يوم بيه اتهل
نهاري صار ظلمة وبردي اصبح كيض
والعسل علكم صبح والعز تبدل ذل
ونسيت اسم الفرح ومن الضحك محروم
واتسله بهمومي وبالحزن اشتل
واليشتل حزن مايحصد الا الضيم
والضيم اللفاني ماجره اعلى الكل
ليالي سود مرن ماتبعهن نور
لانجمة التلالي ولا ضوة الينزل
مثل هلة العيد اتنطرك ظليت
وبيك افرح طفل يوم اللي بيه اتطل
وجن فرحة يتيم بلعبة يوم العيد
كلبي بيك يفرح لو علي تجبل
وافرش روحي سجادة اعلى دربك دوم
واظل طول العمر بعيونك اتغزل
ولك ارجع اليه وخلي افرح يوم
كافي من الزغر بهمومي متمشكل

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

ماعندي جرح يتحمل اللجمات
ولا ظل حيل عندي وللملامة احمل

همون الورد

عاشت الايادي حبي

قصيده مميز ورعه

نتظر المزيد حبي

تحياتي الك

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

مشكور حبيبي ابو جاسم على المرور المنور
تحياتي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الله الله

عاشت ايدك اخويه العزيز على الكلمات الحلوه

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

تدللين ورده

مشكوره على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

قصيدة كللللش حلوه

اقدملك جزيل الشكر

عاشت ايديك هموني

لا تحرمنا من المزيد

تحياتي و تقديري الك

تقبل مروري

بنت كربلاء

عاشت ايدك
والكلام والعبارات قليله بحق
هذا الابداع

الف شكر على المرور الحلوه

منور الموضوع بمروركم

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

كلمات رائعه اشكرك سيدي هموني
على مانقلت لنا
انا مل الذهبيه
تحياتي لك

مشكوره سيده عازفه على المرور
والر الجميل

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مو عشرة شمع راح اشعل العشرين
بس كونك تجينه وبأرضنه اتحل

تسلم هموني وننتظر منك المزيد

تحياتي

العمدة