احب حــــــچـــــي الـــــچــــذب واحب كل چذاب
واهوى اليـــــــــخـــــون ولفه بلايه اســــبـــــاب
واتـــــــغــــــنى من احس بالـــــداي
يجــــــــلي اعله الگــــــلب بـچلاي
يتــنــاغه يــريد اعـضاي
يــا وســفـاي
عيب اعله الي سمع صوته يون واعضاه منهوته
وانه مسابگـ الشمات اترنم واســلي الروح
چن موش الگلب مجروح خسران اليود ويخلص بوده
خسـران الـــيعيش بطــيـبته وحـده
خايب يالتحب اهواك ما ظنيت من اطريت درب الشوگ والحرگة
غيــر الضــيم والــحرمان ما مش غــيرهـن تـلگه
چم دگة بگليب اليظن تشكي بحزن
وچم دمعه تنساد بنظم حدر الجفن
وانت اعله مهلك يا ترف بذات خوان وصلف
كل ليـله احســبها بالــــف
ظــل بصــفاتك منفتن وانـه ابگى اون
بلـكي يـــنســينــي الحـــــزن
چنت احلم واجچيله الحلم
بلكي يفسره ويفتــهم !!
گتله انه لن ليلة امس چن امشي بهودج عرس
ولن الف وردة مطــرزة بظــي الوفـــا
تضوي عله ترف گـــلوب تزاهي مـــوالفه
وانه برغد مشواري وامــشي بزفتـــي
ولن ايـــدك بــأيدي تــحــبس
لن انه افز ما مش شموع مطرزة ما مش انس
يرجع يجاوبني ويمش وباليكظة يحدثلك عــكس
شنهو القصد ما چنت عارف وابتعد لا يا خــــلگ
مو بيدي گلبي اللي عشك تفاحه امس چنت انتظر
واليوم من طر الفجر تفاحه ما مش بالـــغصن
راح ابگى اون بلـــكي يفــارگني الحــزن