طينك ذهب من ذهب

اتمنه ياموطني ...

ترجع مثل ما جنت

حنه اوصواني او شمع ..

واعيون من تنفتح .

تعصر فرحهه ندى

او تشرب سحاب الدمع ..

واتمنه...

اشوف الصبح ...

بيه تنرسم صورتك ..

ورده اعله شفة نبع ...

يا خذ عطرهه الهوه ...

وايدك شذاهه دوه ..

يم كل كلب منفجع ..

اتمنه ...

اشوف الجبل متحزم امن السعف

والاعضميه تجي .

.باول اذان الفجر

للكاظميه ابشغف..

واتكلهه ..

اندهي الولد .بغدادهم فرعت واتريد شيلة شرف ..

ماتحمل ام الخدر تكضي عمرهه سبي

وابليلهه تختنك

واتصابح الاجنبي ..

ترف اوجذب تحتمل تسحك عليهه السرف ..

اتمنه ..

اطب مندلي ..

واكعد ابديرة هلي ...

واطبعلي بوسة عشك ..

وحده اعله وجنة عمر ..

او وحده اعله وجنة علي ..

والكه ..

الرمادي حضن ..

مامرة طور الحزن ..

وابرقته ينفتح وايلوح اعله النجف ..

اتمنه..

امشي ابوطن ..

مابيه اثر للجرح ..

اولابيه صوره ال امس

وابكل ..

محله اطب والكه الفرح مزدحم

مابين حنه اوعرس ..

وابغيمة العاطفه

الكه المحنه مطر ..

وانجوم زركه اوكمر ..

واطيور فوك الشجر ..

ماتنحكم بالحبس ..

واتمنه ...

اطب البلد ..

اوما اشوف اي مشكله ..

او بالرطبه ازورن علي

وابنينوى كربله ..

والشطرة..

من تختنك

تشتم عبير الدبس

الله ياموطني ..

ميزات الك هاكثر

عد الدول تندرس ..

مايك دوه الكل جرح ..

شمسك ضوة الكل شمس ..

كاعك نضيرة عدن..

سحرك دوه الكل نفس

طينك ذهب من ذهب

او ما يسوة غيرك فلس

عجبني و نقلته الكم

تحياتي لعيونكم

بنت كربلاء

يسعدني اكون اول من يجيب على موضوعكي

شكرا لكي بنوته على الكلام الجميل

وعلى النقله الموفقه

تحياتي لكي

شاكر

ـــــــــــــــــــــــــــــــــــــــــــــــــــــــــــــــــــــــــــ

بنوتة

قصيدة جميلة ورائعة

بحق عراقنا الحبيب

وانشاء الله يرجع العراق مثل قبل

ويرجعون كل اهلنا

تحياتي الج

هذا اللي نتمنى من رب العالمين

مشكورين اعزائي على مروركم العطر

منورين

تحياتي

الله

بنوته اختياركِ موفق في النقل

عاشت الايادي ياورده على القصيده الرائعه

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

اسعدني هذا الحضور

انرت المكان بردك الجميل

تحياتي لك

الف شكر عيوني عاشت الايادي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

تسلم هموني على مرورك الحلوو

نورت

تحياتي

تسلمين بنت كربلاء

طينك ذهب ومن ذهب والطين هم اشكال

بيه الرخيص الردي وبيه بالذهب ينجال

عاشت الايادي

تحياتي

العمدة

جزيل الشكر على حضورك الرائع

نورت

تحياتي