ابو ذيات جديدة قمة الغزل والروعة

السلام عليكم
اليوم جبتلكم ابيات ابو ذية
غزل وراقية واتمنة تعجبكم


بشرع الله خمر ثغرك محاليل
يلي نهار من وجهك محا ليل
كطعنه فجوج لعيونك محا ليل
وندور كل صباح وكل مسية

يفز مثل الكطة كلبي من شفاك
الك يل جان مشروبي من شفاك
عسى كلمن كطع شفي منشفاك
بسكم لا للحيا ولا للمنية

جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه

بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه

غرف رمان بخدودك غرفتين
اريد اغرفلي من خدك غرفتين
تأجر مشتمل كلبي غرفتين
الايجار بوسة بكل مسية

سكر كاس الخمر من ظاك نفساك
اكو حلوين بس ما شفت نفسك
اريدنك حبيبي تبوس نفسك
بس بداخلك تنويهه اليه

نحب بس انت غيرك ماهوينه
ونكل للواشي هون ماهوينه
امد ايدي اعلعه كلبي ماهوينه
اذا عندك دخيلك رده اليه