ابوذيات من القلب الى قلوبكم

( مرات )
طيوفك علي توالي الليل مرات
وعكب هجرك ضكت شكثر مرات
تفرحني مرة وتبجيني مرات
وعيوني من البجي طاحن بديه
*******
والم راح
روحي طاحت امن ايدي والم راح
والم شكك اكليبي والم راح
بعد ماظن بل الدنيه راحه ولامراح
بقن شبرين واوصل للمنيه
******
من شراكه
منو غير كلبي من شراكه
وكلبي ويه كلبك صار من شراكه
بس اشكثر شاف الضيم من شرك
بس صاح احبك رغم كل الاذيه
*******
اشتم
من تكبل علي ريح الورد اشتم
وبعطرك اضل اسبوع اشتم
ومن كثر الحلاه البيك اشتم
بيك والشتيمه اترد عليه
******
وشم بيك
وشم ما دكت بروحي وشم بيك
وصرت كلي بحياتك وشم بيك
تمنيتك ورد انت وشم بيك
حتى ترد روحي الزعلت عليه
*******
بصراي
عكب هجرك حبيبي انعمن بصراي
يل طولك فره جنك نخل بصراي
اعمه ابدرب العشك وانت الصرت بصراي
ضواي انت وصرت نيشان اليه
*******
رسام
رسام لجروح الكلب رسام
وعل الوجنه دمعي صفه رسام
سمع يصوت الشجي غني يا رسام
صوتك ياحسام لعب جوله بيه
*******
مالكينه
مثل حسنك صدك مالكينه
ومثل عينك تسحر اكلوب مالكينه
يعمي ايروحلك الحكم فدوه ومالكينه
وغصباً عل الرئاسه ادكلك تحيه

الف شكر حبيبي عاشت الايادي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذا الرابط]

[/center]

عيوني انته تدللون

دومك مبدع ياورد

عاشت الايادي يابطل

مجهود رائع

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

انته المبدع وانته الورده الي كونت هيج منتدى يجمع هيج اعضاء مشكور اخويه حماده

عاشت الايادي عزيز

ابوذيات رائعه مشكور

حبيبي مرورك وتواجد اكثر من رائع تحياتي

روووووعه

عاشت الايادي

يسلموووووووو خيو

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

وأيدج عيوني خوش تبسي ايجنن ههههههه
مرورك لطيف على مواضيعي