دارميات عراقية حلوووووووووووووووة

اليوم جبتلكم دارميات عراقية حلوة واريد رايكم بهة
اتمنة تعجبكم
تحياتي:-شلونك شلون الدار وشلون الاحباب
اذكر جرح بجلاك بشرني ما طاب

علمني عانسيان ارد انسه ضيمك
وي غيري كمره تصير بس حصتي ضيمك

همك وخم الناس وهم هم الهموم
لو وحده منهن بيك ماتكدر تكوم

هم الليالي تعود واتعاتب وياك
احجايه للشمات خلاني فركاك

يا عازه الخوان عازتها عازه
والماوراها صياح وحشه الجنازه

مبخوت اضل للشيب يافلان اذكرك
وينكرني نور العين كون من انكرك

متعجب المهموم يشرب جكاره
قلبي بكثر مانوح تجويني ناره

اكعد بتال الليل وادعي بصلاتي
ياربي بعد فلان شلي بحياتي

يسالني البطران حالك اشلونه
الغاضب الله عليه هم ينشدونه

مبخوت اضل للشيب يافلان اذكرك
وينكرني نور العين كون من انكرك

مشكور عزيزي دارمياتك جدا عجبتني واهلا ومية هلا بيك معانا اتمنى ان تستمر معنا
تقبل ارق تحيه مني اخوك بحرالالام

عفوا اخي هموني ما انتبهت زين شكرا ع المرور

اوكي اخي براحتكم واسفة اذا سويت اشوية لخبطة بالمنتدى ههههههههههه مع تحياتي