مقاطع شعرية

السلام عليكم و رحمة الله و بركاته
أحببت اليوم أن أشارككم ببعض المقتطفات الشعرية..
أتمنى أن تنال ‘جابكم.. تفضلوها و تقبلوا فائق شكري..

ان نويتي الصد قلعة لا تردي..
اتركيني بس أصحصح كم ليلة..
صار له كم يوم هالحظ متردي..
و الظروف منيلة بستين نيلة..
حلي عن عيني و عن دنياي صدي..
لا تشبي النار في راس الفتيلة..
و اللي راح يروح فدوة لعين جدي..
و كل شي طاح بإذن الله بشيله..
.
.
.
يا كبر ظلمك تفارق و ما تودعني؟؟
ما كنك اللي ذبحني لين حبيته..
كم قلت يا آدمي بعدك يروعني..
و يا كم جرح يجيني ما تحريته..
اذكرني اليا نثرك الشوق و اجمعني..
و اذكرني اليا حضنك اسمي و ضميته..
و اذكرني اليا ذكرت الدمع قطعني..
و ان مر في خاطرك رقمي و دقيته..
مع السلامة و قبل ما تفارق اسمعني..
تبقى أكثر انسان" بكاني" و حبيته..
.
.
.
أنا محتاجك الليلة .. بحاجة قلبك أشكيله..
و لا حسيت بشوقي لك مثل ما أحسه هاالليلة..
بقول و لا تقاطعني..
مثل دوم و تودعني ..
و إذا مشغول .. وش يعني؟؟
ضروري نلتقي الليلة..
.
.
.
حبك تلاشى ما بها شك و جدال..
و اللي جفاني بالمحبة جفيته..
خلك تعيش بغربتك ضيقة البال..
تستاهل اللي من غرورك جنيته..
لا عاد ترجع عن كلامك و الأقوال..
واصل مسير الصد دامك بديته..
لا تفتكرني عايش بكذب الآمال..
غيرت دربٍ في غرامك مشيته..
كانك تضايق من برودي و الاهمال..
وش موقفك لا قالو اسمك نسيته..
.
.
.
شوف صار اليوم همي من فراقك يشتكيلي ..
و كل هم و كل غم و انت يا قلبي بخير..
خلني بختم هواي المنتهي بقصة رحيلي..
و خوفي حظي لا يجيبك أدري هالعالم صغير..
يا عساك تشوف حظك مع من اخترته بديلي..
و الا أنا يا جعلي أرحل من على الدنيا و أسير ..
و هذا أنا بهديك دمعي يوم من شانه تجيلي..
يا أخي خاف الله في ضعفي يكفي عذبت الضمير..
.
.
.
صاحبي ياللي على راسي تمون..
لا يهمك بعد و غياب و جفا..
تدري ان القلب لا يمكن يخون..
ما ربيت الا على طبع الوفا..
من سلايل لامن قالوا يفعلون..
نجمهم بالمجد عمره ما طفا..
دام بيتك قلب و فراشك عيون..
لا يهمك يا بعد راسي جفا..
.
.
.
يا ضعيف النفس قلي وش حصل؟؟
كيف هرج الليل يمحيه النهار؟؟
تونا البارح تناسينا الزعل ..
و اتفقنا من بعد طول انتظار..
لعنبو قلب يعلق بك أمل..
و البقا براسك يا غاوي المسار..
ان رجيتك بعدها ماني برجل ..
موت حبي لك ترى رد اعتبار..
.
.
.
طويلة قصة عيونك.. و أنا عمري بها موجود..
تعيشني الأمل لحظة و تكسر حاجز الواقع..
يقولوا من قديم الوقت.. من سافر مرده يعود..
و أنا سافرت بعيونك و لا أدري متى راجع..
.
.
.
تصدق منيتي شوفك و لكن الزمن ضدي..
سرق من عيني الفرحة ..
و أنا مخبيلك بقلبي..
كلام يطول في شرحه..
أبي لو شفتك بعيني و جت ايدك على يديني ..
أبحكيلك أبشكيلك وإذا تسمح أببكي لك..
بقولك يا بعد عمري أنا لك وش كثر مشتاق..
.
.
.
راح عمري و قلت يالله ما عليه..
كنت أبين راحتي و جرحي نزف..
قلبي المتعب أنا وش في يديه..
ما يجيه الحظ حتى بالصدف..
يا حبيبي ما تفيد الحين ليه..
و الله العالم بما فيني و عرف..
" انت" أكثر شي بالدنيا أبيه..
و ما حصلي فيك قسمة للأسف