زنجيل الولاية بمناسبة ولادة امير المؤمنين(ع)تبركو بالمرور

نهر الكرم من علي ومن فاطمة منصب
والعدل ساسة انبنة بجف حيدرة منصب
ياباالحسن بالحشر معـروف الك منصب
************************
بيت الله بيك افتخـر ياسيــدي وهلة
ولعـداك سيفك غضب ماينطي كل وهلة
خل ينشد الينكرك منهو ابوه وهلة؟
************************
كلمن يحب حيدرة اصلة انعـرف والدين
واللي يضدة خسـر دنياه وية الدين
لو انطلب بالحشر حبك يوفي الدين
************************
حبك فـريضة انكتب رب العرش منــزلة
شيعة ونظل عالعهد هذا الـدرب منـــزلة
بالخندق انتة ابـرزت والعامري منـزلة؟
************************
كلمن برزلك هلك سيفك عليه يـولة
ومشهودة الك حملتك يولة بأثـر يــولة
أول سؤال الكبر اتوالي علي يولة؟
************************
ماينفعك كل عذر لوما تجاوب عدل
منكر يجرك غصب وللنار تركض عــدل
اتلاحك ارويحتك يلي تضدة وعـدل
***********************
بالجنة باب انفتح طبله الموالي وســـار
واللي يــزورك علي بالخيــر رد وســار
اسمك يظل سيـدي طلسم تــراه وســــار
************************
هــذا الاسم نـور الي ولاخاف انة منكــر
وكلبي الحــوه امحبتك مايحمل المنكـــر
مثل الصكـر عالكطة حملة علي منكـــر
************************
حملاتة كلهــن غظب تشهد آلة صفيــن
ولمن وصله الخبر اجيوش العدة صفين
خــلاها تــردم ردم صف يــردم بصفيــن
************************
والي يجرحة علي يحسبها آلة منة
فقارة هوه الاصل ياهو السلم منة؟
والكال بخ"علي منهم يخي منة؟
************************
طه النبي من خطب يوم الغديــر اشكال؟
المايــوالي علي كــال اصلة بيه اشكــال
جابعــد ليش الحجــي ويحجون ضدنة اشكـال؟
****************************
منهم وصلني حجيي مجنون كالوا علي
ومادام شيعــي الاصل يبقـة انــي راسي علــي
كلبي بعشك حيدرة كل دكــة تندب علي
************************
يالمـرقدك بالكلـب مـو بــالارض منصب
************************

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

عاشت الايادي

ننتظر الاجمل

أسعد العزاوي[b]

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

ونعم من ابو الحسن

عاشت الايادي ياورد

كلام رائع

نتظر المزيد حبي

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

سلام الله عليك يا امير المؤمنين
مشكور اخويه الورده على المشاركة المتميزه
لا تحرمنا مشاركاتك الجميله
لك اطيب تحية
بنت كربلاء

السلام عليك يا سيدي ومولاي يا امير المؤمنين

تسلم هموني ع هذه الكلمات المميزه التي

تخرج قارئها من الزوايا المظلمة الى النور

مبارك لكَ ولادة الإمام علي عليه السلام

و رزقنا الله و اياكم زيارته

و شفاعته يوم القيامه

دمتَ بحفظ الرحمـــن

تحياتي..

شكراً لمروركم

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]