نور الحسين ... نائل المظفر

نور الحسين ... نائل المظفر

ماوصل شيعي امس يدفن حسين
وطلعت الاعراب سكته ودفنته
وهسة كل الناس تبچيلة وتنوح
ومن شمال الصين وادم زارته
بالتزور حسين اصبر لاتزور
واقرا ليش حسين قامت ثورته
حتى من تنزل دمعتك عالحسين
تعرف اشگد الثواب بدمعته
تدري ليش الميت ايعصرة الگبر ؟؟
وتدري شيصيح الگبر في ميته؟؟
خاف حابس دمعه في حق الحسين
اليوم تطلع من ظفر سبابته
وحتى تعرف منك شرايد حسين
مو تزورة وانته جاهل غايته
حسين رايد روح تنحط بالضريح
مو تحط دينار ماهو بعازته
روح علگ گلبك اباب الحسين
وشيل كل هذا الذهب من حضرته
حسين مامحتاج عالگبه ذهب
هو الذهب محتاج راح الگبته
والناس لوتدري الذهب قصد الحسين
چان مانصرت يزيد وخانته
وصاح صوت من السما بمقتل حسين
وبعده لسه يصيح محد سكته
وحرتو شتلبسونه سيدكم يزيد
وهي كل الناس تعرف صورته
ومن فضحكم نور سيدنا الحسين
سيوفكم للراس راحت گصته
تالي حرتو ماطفه نور الحسين
وفوگ راس حسين ضوت جثته
ومن فشلكم شلتو راسه اعله الرماح
وگلتو راس حسين نزلت قيمته
ماتنزله ارماحكم راس الحسين
بالعكس عالروس كلهن علته
وبقت جثة حسين تنزف عالتراب
وانتقل نور الحسين بتربته
وهسة كلمن يسجد بتربة حسين
تنزل الجنه تختمه بگصته
وانتو بيكم بينت شارة حسين
وما علينه شلون بين شارته
المهم فوزين فزنا احنه بحسين
فوز حبة وفوز فضل زيارته
الله يحسب حجة وحده بكل سنه
للسبع مرات طاف بكعبته
واحنه لو رحنه مشي نزور الحسين
نمشي كل خطوة تعادل حجته
وياهو گال ألشيعه ماعدها عقل
راحت النهر الفرات ولامته
لان ملچومين نعتب عالفرات
احنه ندري حسين ماهو بعازته
حسين لورايد صدگ ماي الفرات
چان ماضكه العطش يم ضفته
چاوگف كله الفرات بكربلاء
ودنگ اعله حسين باسه بشفته
وچا روا العباس من فمه الشريف
وچاگطع دابر يزيد وشلته
وچا ولا واحد شرب ماي السبيل
وچا تموت من العطش كل شيعته
حسين مايگدر يفك ماي الفرات ؟؟؟؟
وموسى شگ النيل شگ بعصته
حسين ابو السجاد شايل ذو الفقار
يعني لو طگ الفرات يشتته
وچان كله الدين طاح ويه الحسين
وما بقة العباس رافع رايته
راية العباس مارادت تطيح
لاچن انگطعت يساره ويمنته
وطاحت اچفوف الگمر فوك التراب
وطاحت الراية عله چفه وباسته
سيدي العانيته من شلة يزيد
فوگ عشر اضعاف زينب عانته
فوگ گبرك وگفت وصاحت حسين
خوية ما قاسيت ال اختك قاسته
من طحت يحسين ماشفت الحسين
شلون حذوات الحوافر سحگته
وما شفت بشعة ذبحتك من گفاك
والرماح شلون راسك شالته
وما شفتني شلون جروني اليهود
وابنك السجاد حرگو خيمته
وما شفت يحسين من يضحك يزيد
وعالرمح بالگاع راسك نبته
*****
شلون مانبچي وندگ لاجل الحسين
وكل سنه بعاشور ننصب مأتمه
انكسر ضلع الكون من طاح الحسين
والجبال من اللطم متثلمه
ولان ماكو چفوف وادگ النجوم
تنهدگ للگاع وترد للسما
وتدري شنهي المعجزة بلطم الحسين
ماتطيح الناس لو مطرت دمه
ويه كل چف يرتفع يوگف ملاك
شما يدگ الشيعي صدره يقدمه
وعدنه بالشيعه زلم لولا الملاك
چاصدرها بضربه وحده تهشمه
روح للمذبح تلاحظ كل ذبيح
يلاوي بالگصاب من گد حرگته
والذبيحه لونذرناها لحسين
لزمت الساطور هيه وحدته
والماي يطفر من حضن حب السبيل
حتى يروي حلوگ ناس الشربته
والنار ماحرگت ظهر جدر الثواب
ثوب اسود عله حسين اللبسته
ويبقى صابغنه السواد عله الحسين
ونبقى للميعاد نذكر كتلته

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

اللهم صل على محمد وآل محمد

السلام عليك يامولاي وعلى الارواح التي حلت بفناءك عليكم مني جميعا سلام الله ابدا مابقيت وبقي الليل والنهار ولا جعله الله اخر العهد من لزيارتكم السلام على الحسين وعلى علي بن الحسين وعلى اولاد الحسين وعلى اصحاب الحسين

بارك الله بيك هموني

تحياتي وتقديري

دوم يارب بهل تميز عاشت ايدك

تقبل مروري

أسعد العزاوي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

مشكورين ع المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الله عليك همون

وربي روعه

عاشت الايادي يابطل

نتظر المزيد

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

لا يوم كـ يومك يا اباعبد االله
روحي وارواح العالمين لك الفداء سيدي ومولاي
اللهم ارزقنا زيارة الحسين في الدنيا وشفاعته في الاخرة
جزاك الله خير الجزاء هموني الورده
لك اطيب تحية
بنت كربلاء

» نائل المظفر
» الغابة ((نائل المظفر))
» لاسئله للعملاق نائل المظفر
» ما احساسك قصيدة رائعة لنائل المظفر
» جديد نائل المظفر \\ راح اسويلي حزب و اصعد عليه