لاتعكس البندق ترا العكس مردود

لاتعكس البندق ترا العكس مردود
بارودها لا ثـار محـدن يـرده

كنا نبيك الضد مير أنت مضـدود
دامك فتحت البـاب لازم تسـده

لاتخفي المعنى ترا العلم مشهود
ياصاحبي سواق وأقـدر أحـده

بعض الرجال يدور الطيب والزود
على حساب النفس لو هي تهده

قلنا كفو ياصاحب الطيب والجود
أنته رفيق اللي يبي شي صـده

لكن حلات الشي ياناس بحـدود
ياشين شي(ن) جاوز اليوم حـده

ترا فعول الطيب تبغى لها فهـود
تبغى الذي يفعـل وللفعـل قـده

أما تجينا تالي الوقـت مقـرود
تشكي كما النسوان وأنته تعـده

ليتك على فعلك تجي قد وقـدود
دامك فعلت الشي أصمل وضـده

ناسن تبيّض وأعرف وجيها سود
على حساب الشعب تبغى مكـده

تكفل عباد الله والعلـم مرصـود
وإليا جحدك فلان صرت أنت نده

اللي بدا فالطيب يقـدم ولايعـود
حرام كفـه للعـرب مـا يمـده

منته على طرد المقفين محـدود
واللـي تعـذر يافتـى لا تحـده

الذيب يعرف لمعة البيض والسود
خابر نواة الناس يعـرف مـرده

ثمن علومك قبل لا تِسرق الـذود
والكاسب اللي يكسب اللي يـوده

حنا رجالن من على زايد العـود
اللي جميع انسان يبغـاه جـده

أدري وأعرف أني اليوم محسود
نكسب مكاسبنا وغينيس يعـده

ماوالله أقصد بالحكي أي مقصود
واللي يعرف العلـم لازم يشـده

لاتعكس البندق ترا العكس مردود
بارودها لا ثـار محـدن يـرده
منقووول

مشكور فوفو الورده

على النقل الجميل

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]