ساكت يا وطن....الشاعر ضرغام العراقي

ساكت ياوطن والحرگه تاكل بيك
لو خايف بعد والسكته من خوفك

من حرب الحرب جبنه العمر وياك
من اكل الجثث ما ينترس جوفك

مابيك الذنب گول الذنب چا وين
يمكن نعتذر لو نفهم ظروفك

چنت المدرسه وبيك الشعب طلاب
وبس دگ الجرس شو فارغه صفوفك

تقبل ياوطن يرضيك هذا الحال
ناسك للأسف تتراكض تعوفك

وتقبل ياوطن شبانك الحلوين
تتغرب غصب تحرمهه من شوفك

جاوب لا تظل ساكت يبو الثورات
عشرينك بعدهه اتعيش بطيوفك

ومن طور الحزن ملينه ما ملّيت
چاطور الفرح ما تعزف دفوفك

من ريد الفرح بس كون ريدك سيف
موعيب بغمده اتنامهه اسيوفك

وبايگ ما صرت ما خاف من جلاد
مو هذا شعارك هذه معزوفك

چاشنهو التغير يا عراق شبيك
ثار حسين ذمه ابشيبة ازلوفك

شعبك من عطش رادك مثل عباس
يعني حسين شعبك وارضه اله اطفوفك

لكن للأسف ماكو مثل عباس
ومانوصل عشر ياحسين لحروفك

ونعتب ياوطن من حبنه الك والله
شفناكم نهر عطشان بجروفك

ومن نصحك لأن صدگنه كلنه اخطاء
يا بيت الكرم نتسمّه بضيوفك

أصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور
لو تكَضي العمر والقيد بچفوفك

مانقصدوطن يعني الوطن بالذات
بعيون البشر هم موطن نشوفك

م
ن
ق
و
ل

تحياتي

بنت كربلاء

بنوته الغاليه

نورتي المنتدى ابطلتج الحلوه

وعاشت الايادي على القصيده الجميله

نقل رائع

نتظر المزيد ياورده

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

عاشت الايادي بنت كربلاء على القصيده كلمات مؤثره مشكوره

مشكورين على مروركم
عطرتم الموضوع بكلماتكم
دمتم بخير
بنت كربلاء

الج وحشه عيني

مشكوره على النقل المميز

ننتظر الاجمل

تحياتي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

تسلم عينك
اخويه العزيز
شكرا على المرور
تحياتي
بنت كربلاء