دفتر غيابك ... المبدع ميثاق الهلالي

على متوني حمل ذكراك والليل
وعلى متونك حمل دمعي وعذابي
..
بابك من بعد يطرد بالچفوف
وانا بلا ماتدگ ينفتح بابي
...
على دفتر غيابك طاحت العين
شعجب مابين بعينك غيابي
.......
نسيت انت نهر حافرته العيون؟
ومايك چان يشرب من سرابي
........
صرتلك لافته بوجه الحياطين
وكثرما ينقره تشگگ كتابي
..
رسم بيه الوكت غربه ومحطات
وتموز وعطش فطّر شفافي
...
بچيت عليك حد خلّصت العيون
وّره عيوني بچن دم الچفافي
....
دربك جمر يلهب غير اطفيه؟
كلت لا لازم اوصل ليك حافي
.....
على چفوفي انطبع چفك والوداع
وعلى چفوفك نهرمن دمي غافي
.
أنه الصخرات عمر تكسّر الروج
وكت خلاني أدور عالمرافي
..
تدري أنت النهايه تگطّع الروح؟
!!!جاي بكل سهوله تگلي كافي
...
أنه من اول عرفتك منجم وجوه
وصرت حته عله روحك شي خرافي
.....
تبدل وجوه وي تبديل الوجوه
وخطيه ابينهن عايش منافي
..
ماشيلك بعد ماظلت اچتاف
شلتك گبل وانباگن اچتافي
.
چنت صافي وخبطني الچذب والله
وبعد لو تنگلب ماارد صافي
...
روح لغير عالم أضحك وعيش
وصاحب غيري تستاهل عوافي
...
مگابر روحي انترست مكاتيل
وماتقبل ولامكتول إضافي

عاشت انامل شاعرنا المبدع
ميثاق الهلالي

لكم تحياتي
بنت كربلاء

مسائكـ معطر بورود الربيع..

استنشقنا الجمال برقة احساسك

بحق كنتي رائعه

انثر لكي الشكر لما متعتينا به من حروف

لا حرمنا جديدك

خـــالص وديــ...

رسم بيه الوكت غربه ومحطات
وتموز وعطش فطّر شفافي
...
بچيت عليك حد خلّصت العيون
وّره عيوني بچن دم الچفافي
....
دربك جمر يلهب غير اطفيه؟
كلت لا لازم اوصل ليك حافي
.....
على چفوفي انطبع چفك والوداع
وعلى چفوفك نهرمن دمي غافي

الله عليج بنوته

اختيار رائع لقصيده

نقل جميل

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

الف شكر ورده على النقل المميز

تحياتي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكورين عيوني على مروركم
وردودكم العطره
منورين
اطيب تحية