عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةبوابة النجومس .و .جبحـثالتسجيلقائمة الاعضاءالمجموعاتدخول

شاطر | 
 

 شعر على الكهرباء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فاديه الشريفي
نجم نشيط
نجم نشيط


الجنس : انثى
المشاركات : 209
عدد النقاط : 5904
تاريخ التسجيل : 01/04/2009

مُساهمةموضوع: شعر على الكهرباء   الثلاثاء يونيو 02, 2009 7:50 pm

ماتگدر تجينه امحنيه رجليهه
بلوه الكهرباء شلون تاليهه

ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه

ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلهه بحرّه يگضيهه

ما تگدر تجينه وخايفه علينه
حكمتهه هوه التبريد ياذينه
ديدنهه تحبنه ودوم توصينه
سبلتكم قناعه فياي يغنيهه

ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه

ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه

ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليهه !!

ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وفرش عل سطوح عذيبي تلگيهه

ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه

ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه

ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه

ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه

ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه

ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــه

ما تگدر تجينه وصايره هوايه
باليابان مرّه انطفت لحظايه !!
وحنه ارقام عدنه القطع بالمايه
وبدفتر جينس منهو اليجاريهه

ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه

ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهه

ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويهه

ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليهه

ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفواشگد جميله الوان تزهيهه

ما تگدر تجينه انگطع حته السير
والخضراء تزهي يغني بيهه الطير
رامس كوندليزه وحضر حته بلير
والسي آي أي ما گدر يحييهه

ما تگدر تجينه وصرت متأكد
خابرني الزعيم القطب والاوحد
بوش وگاللي لأحلامك توسد
ماتنحل يگلبي انخبط صافيهه

ما تگدر تجينه محنيه رجليهه

بلوه الكهربااااااااااااء شلون تاليهه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الزعيم
نجم مميز
نجم مميز


العمر : 37
الجنس : ذكر
المشاركات : 689
عدد النقاط : 6940
تاريخ التسجيل : 19/04/2008

مُساهمةموضوع: رد: شعر على الكهرباء   الإثنين يونيو 08, 2009 12:33 am

هههههههههههههههههه

شو حلو يسلمووو فاديه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فاديه الشريفي
نجم نشيط
نجم نشيط


الجنس : انثى
المشاركات : 209
عدد النقاط : 5904
تاريخ التسجيل : 01/04/2009

مُساهمةموضوع: رد: شعر على الكهرباء   الإثنين يونيو 08, 2009 1:09 am

مشكوووووووور اخ الزعيم على مرورك العطر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر على الكهرباء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O المنتديات الادبية O.o°¨ :: منتدى الشعر الفصيح والقصائد الشعر الحر-
انتقل الى: