وازاك التعـــب

موضوع: وازاك التعـــب الأحد يونيو 21, 2009 9:53 pm

وازاك التعـــب

أبقه ويا لحزن هذا مصيرك صار

من أيدك أجه كل حزنك ودمعك

سمه روحي فتحتها وصرت بيها أتجول

نشفت العمر بس لا يشح نبعك

وازاك التعب وتريد مني العون

ظل أبچي بمراره ومحد يسمعك

لا تحسب أساوم روحي وأرجع ليك

لحد الآن ثابت بالگلب صدعك

داريتك مثل ماسه بوسط گلبي

ومثل أسمي صرت يا قوه التشلعك

قلعه بنيتلك بالروح مو بس حب

وخليت المشاعر بالوفه ترضعك

حسبتك أنته كل عمري المضه والجاي

وكبر بدموع عيني وردك وزرعك

سنين الاربعه مرن بهمسة ليل

وأجيت بكل برود تگلي دا ودعك

يبو حچي الچذب والخنجر المسموم

سد بابه الگلب ما ممكن يرجعك

لا تعليق
فهناك كلمات تخرص القلم و تمنعه من الكتابه
راق لي ما كتبت
ودائما تذهليني بعباراتك لكن أعتدت على ابداعكِ فيها وأحببته لأنك أستاذ في فن الابداع

كتبت لا تعليق لكن وجدت نفسي أكتب فهذه القصيده لا تمر مر سريع لدي وقفت عندها كثير و قد عرفت سرها < و سيظل سرها مجهول للجميع
الله يسعدك و يوفقك يارب
تقبل مروري وردي المتواضع

المبدعة فادية
اشكرك على كل كلمة كتبتيها ، وافتخر بان يكون لي نصيب من ردودك على مواضيعي
اتمنى لك ولكل الاعضاء الموفقية