سوگ العيون - - - الشاعر مهيمن الأسدي

ســـوگ العـيون

ترست جيوبي هم ورحت للسوك

خلص دمعي ورحت ارد اشتري دموع!!

شفت بياع عارض كومة عيون ...

مستهظم دمعها وصوته مسموع ...

كتله اسمحلي اكلب كال مرخوص ..

استنكي براحتك شتريد يانوع ؟؟

كتله انته على عرفك شوفلي ثنين ..

تكفيني الدموع البيهن اسبوع !!

كلي انطيك دمعي ؟! يجدك سنين ..

جربه وشوف اذا موزين .. مرجووووووع

كتله شعايزك ؟؟ وتبيعهن ليش ؟؟

جر حسرة وهمسلي بكلب مفجوع

وكلي الدهر طبع الدهر دولاب

ويجي يوم .. اليبيع يصير.. مبيوع !!

وشفت واحد كباله .. مطلع عيون ..

وعليهن طابع المأساة مطبوع ..

يلتهبن حزن .. وجفونهن نار ..

واذا حط الثلج .. فوكاهن يموع ؟!

كتله ارجوك كلي عيونمن هاي ؟؟

كلي الناس باعوهن من الجووووع ؟؟!

عفته وكمت امشي بسوك العيون

اريد عيون كون يعاونني ...

غشيم بلا فكر امشي وبلا راي ..

ولن .. ثنين دلالات اجني ؟؟؟

راوني .. جنطهن .. بيهن اشكال ؟

وكامن بالعيون يرغبني ..

شفت ثنين،، شايفهن .. من ازمان ..

ومن شافني هنه .. اتذكرني !!

بجن شكن الجنطة وبجن الناس

وكامن بالدموع يعاتبني ؟؟

حكهن ؟! آنه ناسيهن من سنين ...

او ولا نكرني ،،هنه ولا نسني

تدرون العيووون عيونمن هاي ؟؟

جانن كبل فتره عيوني ذني !!

عفتهن يبجن وكمت امشي بالسوك ..

وصدفه اسمعت صوت .. من اليبيعون ..

اذا عندك عيون نشوفها نريد..؟

ونزعت عيوني وكاموا يشوفون ؟!

شحال اللي يبيع عيونه للناس ؟؟

ويشوف باعز ما يملك يسومون !!

المهم كلولي ذني عيونك زغار ؟!!

لابيهن رمش لا بيهن جفوووون ...

اموشل دمعك وما ينفع الناس

الناس بهل وطن يردون يبجون ؟؟!!

تاااالي اتبرعت بيهن بلا شوف ...

وقف : للناس لورادوا ينوحووون ؟؟!!

وعصرت ضلوعي لمن صارن دموع ..

وسويت الكلب لضلوعي ماعون ...

واحس العمر خلص والاجل حان ..

واريد اطلب طلب .. من اليدفنون ؟

كبل مايدفنوني .. ويحزن السوك

وكبل ما بالجنازة الناس .. يمشون

بدمع رايدهم يغسلوني مو ماي

واريد يصير كبري بسوك العيون

-
-
-

للشاعر مهيمن الأسدي

clown

اعجبتني معاني كلماتها
اضعها بين يديكم احبتي
لكم اجمل تحية
بنت كربلاء

اجمـــــل ما في فيضـــك حروفــــكِ

التي تروق لي دائمـــاً

و صـــدق اسطـــركِ اللامعـــــة

فــ الشكـــــر لكِ غاليتي و لا تبخلــــي علينــــا جديــــدكِ المميـــــز

لروحــــكِ ود و باقـــــة ورد

بنوته عاشت الايادي

عيوني راحنه من وره ههههههه

تسلمين على قصيده

فعلا كلام رائع

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

ايتها العزيزه
( بنـــــــت كربلاء)
تجلت الكلام عن احساس مرهف

اشرقت الحروف عن شواطئ المعاني

اخذتني معكي لاروع الاحاسيس

اخذت من الشمس خيطا ذهبيا" لاتنسجي اجمل الدرر

دومتي ودام قلمك نازفا" بالحب والابداع

تحيتي وودي تتضمنها عبق ورودي لكي

تقبلي مروري المتواضع في متصفحك

افرحني هذا الحضور النير
عطرتم صفحتي بمروركم
لكم تحياتي