شعر شعبي يصور واقع العراقين!

ململني القلم ومن القلم مليت عمت عينه قلمنه الما نفع شِعره

تعب حتى الشِعر ويه العراقيين وصار بحال اهلنه وبالعراق ادره

رسمت حروف العراق برسم فنان وجمعت اربيل والانبار والبصره

وگلت لازم حروفي توحد الخوّان مامعقوله هيچ تصير فد مره
ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليهالحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذالاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنههالما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينها العبره

وما شافت ابنهه وجاهه ملك الموت
تعرف شنهي يعني تموت بالحسره؟؟

معناها الفرح صاير مثل رجال
شايل ورده بيده وخنجربضهره

معناها عراقك كاتل ومكتول
سوده گلوبهم وعقول مفتره

وكل هذاويگلي احنه العراقيين
سنه وشيعه عشنه الحلوه والمره !!

لا والله چذب احنها العراقيين مثل الضرة عالضرة

واقع حال لازم نخضع لامره

ملينه الچذب وليمته وليا دوب

قصايدنه اجت للناس متأخره

نعم خوان احنـــــــــــــــــــــه

نعم خوّان احنه وياك آني بهاي

بس مو من بعد تفجير سامرّه

بعد تفجير سامرّه العراقيين

مثل فلم الرعب ودمايته الحمره

مو فتنه صحيح الصايره ابّغداد

سونامي الفتن بغداد منتشره

قتل مو عالهويه هواي متوهمين

صارت عالاسم گص راسه ويشمره

واليگلي تبالغ انته حيل بهاي

جبت حجه ودليل وياي هالمرّه

اتحده بكر واتحده ابو الخطاب

افن واحد البيهُم يوصل الثوره(مدينة الصدر)

واتحده علي واتحده هم حسين

اذا فلوجه طبهه ومنكسرضهره

صـــــــــفر كل النتايج للعراقيين

بس بالفتنه جابوا عشره منعشره

هذا يگول سني ناصبي اغتالوه

وهذا يگول شيعي رافضي نكفره

ضلّوا بهالسوالف يا خزي ويا عار

واسرائيل علگت نارهه الــــــكبره

يول وين الــــــــشرف گدامكم بغداد

شــــــگّوا ثوبها واخذوهها متأسره

اغتصبوهه الكُفر ... ما تسمعوهه تصيح

آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه
مرحوم الـــــــعراق استشهد من سنين
يا وسفه صفـــت أشلائه مـــــتنثره
متنـــثره بمزابل يمـــهه كوم چلاب
اكلت من لــــــحومه وما درت سرّه
صــــير وياي بس هالمره اترجاك
عيب من الــــــــــــعراق اليوم نتبرّه
صعبه بمزبله جثةالــــــــعراق تصير
خلي نشــــــــــيله منهه وندفنه بگبره خلي نشــــــــــيله منهه وندفنه بگبره

كلمات يقشعر لها البدن
هذا حال العراق العظيم
اسأل الله ان يبعد هذه الغمه عن هذه الامة
و يفرج عنا بحق محمد وآل محمد
سلمت يداكِ غاليتي على هذه القصيده
اجمل تحية
بنت كربلاء

ان شاء الله يارب

يبعد هذه الغمه عن هذه الامة

امين يارب العالمين

تسلمين ياورده على المرور الي زاد الموضوع اشراقا

تحياتي الحاره الج

و هــل تكفيه الكلمات والأسطــر؟؟

سلمتي يا مبدعـــه
]فقد نثرتِ هنا كلماتٍ كدر السحاب بل أصفى قطراً وأعلى قدرًا...

كلمات مصطفّة الديباجة، شفافة الزجاجة

بارك الله بكِ غاليتي

وتقبلي مروري المتواضع بين طيات صفحتكِ الشفافه

I love you

لروحكِ باقة ورد I love you

تسلمين ياورده على المرور الذي انار موضوعي

مشكووووووووور على مرورج ياورده

وتحياااتي الحاره الج

لكى التحية وافضل التحية

يامن تخطى فتاسرين النفس ببديع الكتابة

يامن سطرتى احرف من نور

يامن كتاباتك تسكن خواطرنا

لكى التحية وتقبلى المرور

وترك بصمة واى بصمة

شهادة منى بانك تستحقين
التميز والتحيه
تقبلي مني

الف شكر على المرور العطر

والله خجلتني بكلامج ياورده

واك احلى تحيه مني

لاتحرمينا من ردودك

» واقع امتنا
» عرس بغداد(شعر شعبي عراقي)
» شعر عن المغتربين العراقين
» مسجات تخص العراقين
» ياقمر شعر شعبي