امام القلب/ غزل

امام الكلب صدك لو ردت اسميك
واجذب لو كلت أنت مو امامي
لان دكات كلبك اتصلي عل الروح
والك تركع وتسجد حتى احلامي
جنت كافر انه بأسلام اليعشكون
بس همسك سحرني وصرت اسلامي
وهامي الما يدنك لو تموت الروح
بس كــدام كلبك دنــكت هامي
يا ماي الزلالال اليطفي نار الشوك
مو عطشانه الشفايف والكلب ضامي

اسكي الكلب خايب من سبيلك
وانطي الروح جدوه من سبيلك
سبيت الروح لكن من سبا لك
كلبي الطاح مني بين اديه

وفرق بين عيونك انت وعيون هاي الناس
فرق كلش جبير صدك فـلا ينقـاس

عيون الناس تنظر نظرة الشيطان
بس نظرة عيونك تطرد الوسواس

لان عيون ناسك تنظر بنية سوء
بس انت الوحيد التنظر بأحساس

دباوع علي يا وكيح عيون
مو حتى بنظرتك شيب الراس

وخل اشفافك انت تتوضه من اشفاي
ورايد بوسه منك بل الكلب تنباس

يا قاسي يغرامك يا بخيل الشوك
خليني ارد احضنك واحرك الانفاس

احضنك حيل كلش من احصرك
وبعد منوه اليخلصك من احصرك
تدري شسويلك بعد من احصرك
افركن حيل صدرك بين اديه

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

شكرا همون

على القصيده الرائعه

عاشت الايادي ياورد

نتظر الاجمل

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

» سبب خسارة الاولمبي .....امام استراليا
» جرح القلب
» تشكيلة الريال المتوقعة امام بلد الوليد اليوم
» كيف عليك ان تتصرف ان بكت حبيبتك او شريكة حياتك امام عينيك؟؟
» من القلب الى القلب