قصيدة عتب عراقية للعرب جميعاً

قصيدة عتب عراقية للعرب جميعا بعنوان

(بعد ما ريد فيزة ) كتبها شاعر لا أعرف اسمه

بعد ما ريد فيزه ولا لجوء انـــــسان
عمت عين الاقامه الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي

لان اول امس كل البشر خــــــــــدام
جانوا للـــــــــــــــعراق واكلوا ابيتي

جان الضيف عندي مكرم ومهــــيوب
فوگ الراس اشــــــيله وهاي تربيتي

ما داعي اسولف وانه ابو النــــهرين
ياهو الــما سمع اخــــــــــبار حنيتي

بعد بصــــــمات اديهم والطبع موجود
من جانوا جياع بوســط صيـــــنيتي

يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع
لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي

وادري لوحّدج عفناج صار سنين
وادرى من الحزن تابوت سويتي

جيب الاغتراب وحـــطه بالـــتابوت
يا غربه الـــــــــــعراق شكثر اذيتي

ما اعيــش ابّحر مالح طـــعم يا ناس
انه بسجن الـــــفرات وفقط حريتي

وترابي ذهـــب والگاع من ياقــوت
ومن ثوب الكرامه البسهه بيريتي

واذا گالوا لترجع والوضع مو زين
اگول اني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي لو متت لتچفنوني چفان
لفوني بعلمنه وهاي امـــــــنيتي

واذا تردون اليه بهالگبر ارتاح

امانة الله دفنوا وياي جنسيتي
امانة الله دفنوا وياي جنسيتي

مشـْـكَــِــــو َعلـْــِى الكــَــِــلْمات الرائـٍـــــعْـة

يسلمــَــــــ عاشت الايــــِــًـاديــ ــَــووو

تقبَـــْـــ ل مــْــروري

الله الله

لان اول امس كل البشر خــــــــــدام
جانوا للـــــــــــــــعراق واكلوا ابيتي

كلام مؤلم جداً

وحسافه عليك ياوكت

بس لابد يرجع يومك ياعراق

شكرا ياعمدة المنتدى نقل رائع

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

فو فو

حمادة

شكرا لمروركم الرائع

انتم مصدر الابداع

تحياتي مع الود

العمدة

كلمات في غاية الروعه

كلمات أحسست فيها بلوعة الشاعر ....

خط لنا الشاعر كلمات لنا فيها قواسم مشتركة ..

وحسرات وعبرات حضرت عندما قرأت تلك الكلمات ...

لكن يبقى العراق اولا .... كما كان أولا

مشكور ياعمدتنا على النقل المميز والاختيار الموفق

دومك روعه باختياراتك

تقبل مروري

أسعد العزاوي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

لا تكفي الكلمات للتعبير عن الآلآم في قلوب العراقيين
واشتياق كل مغترب الى ارض وطنه
انشاء الله العراق بخير وامان
يبقه كل عراقي راسه مرفوع بعراقيته

شكراً لك على هذه القصيدة الرائعة
تحياتي الطيبة
بنت كربلاء

تسلم يداك ياعمده قصيده متيمزه مشكور

اللهم صل على محمد وآل محمد

برغم الالم لابد ميجي يوم ويرجع العراق افضل مماكان والعرب هذا طبعهم اشد كفرا ونفاقا يمدون ايد الموده للغريب ويطعنون الاخ بظهره غدر

ولابد ميجي يوم على كل من سوه هيجي بالعراق والعراقيين

لابد مدور الساقيه وكلمن ياخذ دوره

فالدهر يومان يوم لك ويوم عليك

بوركت يمناك عمدتنا

تحياتي وتقديري