مـن كــد ماحلـو كلبـي انشــده بيـــك
يا اجمـــل بشـــر بعيونـــي شفتـــــه
مثلك ماشفــت طـول وشعـر وعيون
يمكــن مــو بشــر صدكنــي انتــــه
جمالك مــو طبيعــي وساحـر الكــون
وكلمـــــن شافـــــك يطكلـك تحيـــــه
اعلى مودك اني اضحي بهاي العــيون
وقابيــل اعلــى مودك صـــك اخيـــــه
الحواجـب سيــف بيهـن تسحـر النــاس
ورموشــــك سهــــام وبيــــه كتالـــــه
افكـــر انـي بيــك مــن الصبــح لليــــل
والبــــال اليفكـــــر بيــــك هنيالــــــــه
العجايب سبعــه عدنـه واحنـه متأكديـن
وكــل شويــه انـي بأيــدي احسبهـــــن
واكولاً نعــم سبعـــه وكلها هيــج تكـــول
بــس ارجـــع واكـولاً انتـــه ثامنهـــــن
اغــار عليــك منـــك ماعـــرف ليـــش
واغـــار عليـــك صـــدك حتـى منــــي
اذا تبعــــد وذر اطشـــــر بســـــــاع
واتانـي شوكــت ترجـع خاطــر تلمنـي
حبيبي وداعتـــك لـو تطلـــب الـــروح
اقـــدم روحــي الـك بيــــدي هديـــــــه
بمحبتــك شاطـــر انــي وعنــدي اثبـات
لان انــي بمحبتــــك خــــذة ميـــــــه
اذا فرحــــان اشوفـــك افـــرح ويــــاك
واذا تحـــزن احــس كربـــت منيتــــي
انتـــه بعينـــي جنـــه ولمـــن تغيــــب
جهنـــم تنكلـــب صــــدك دنيتـــــــي
جــرح بيـــدي نـزف بـس ماطلع دم
وبلحظـــات شفتـــك انتــــه يمــــي
اطلعت من جرحي انته وشلتك بساع
معقولــه صـــرت يعنـــي انتـه دمـي
قيس ابن الملـوح مو غشيـم عيـون
ولتكلــي انتـــه هــوه اكبـــر خطيــه
شافــك بالحلــم بالـــه انشغـل بيـك
لذلـــك عـــاف ليلـــى العامريــــه
بدونـك عمــري مايسوالــه فلسيـن
وبدونــك كلشــي ماتســوه حياتــي
اذا نــاديت بسمــك كلــي شتريـــد
ونــادي بأسمــي اكلـك هــا اغاتـي
مـو يمـي واحســك كاعــد ويــاي
والويــاي كاعــد جنـــه مـو يمـي
اتعرف من يمته احبك اني واهواك
لمــن جنــت انـي ابطــن امـــــي
احبــك مـن كبـل ما التقـي ويــاك
ومـن شفتــك بعــد حبيتــك اكثــر
ادزلـك روحـي مـن تريــد تشتـاك
ولو روحي اعلى بيتك دوم تفتـــر
غيـــرك لــو احـب لاتحمـل هموم
ولا تســأل منــوه وويــن شفتـــه
ولا تبجــي وبعــد ماتحجــي ويـاي
من احب غيرك تراني اعنيك انتــه