الشاعر عمر الغريب قصيده روعه

عيون الگاع

عيون الگاع نفس عيون الانسان
دوم تـصب دمـع عـل بيها مدفون
وانا بگاع العـيـون اندفنوا اعـزاز
ارد اعــــرف اليمته بعيني يبقون
ابچي عيون حــاير من يجي الليل
ومـــــن اتعب ترد تبچيني العيون
بـعــدكم نـخر روحي واثـرهــواي
رك حـيـلي وتركي الهسه مطعون
گلت تهون سهلة وتـمشي الايــام
شفت ايامي وگفت وانتوا تمشون
مـزمــن بـيــه حبكم ما اله عــلاج
يـــوجعني بـكـثـر ما بـيـه تقسون
صوركم عندي ذكرى تگطع الروح
وبـلاوي البالصور شگتلي العيون
بـچـيـت وما ردتـها تـسيل الدموع
لان خــايف عــلـيـكـم لا تـطـيحون
انا بعـلـمـي اخسرتكم بـعـد شيفيد؟
مــا يـنـفـع بــحـلـمـي شـما تمرون
انا ضـنـونـي ابـعدكم صـارت هواي
هـا رجـعـوا علي ؟ ها ما يـرجـعون
والله الــدنـيـا خــربـت يــوم الوداع
ضــاگ الكون بيه وضگـت بالـكون
وبـقـيـت الـهـذا يومي مرصع افراگ
اتـانـيـكـم گــلــت هـلـبـت تـــــردون
لــزم چــفي الـطـريق وخــذني وياه
وعـثـرت بـعـشـگ وادم مـا يـوافون
بـــعـــدكــم ما اظــــن تحلالي دنياي
بــعـــدكـم ما امـيـز حــظـــي يالــون
بــعــدكــم ما مشيتوا وراحت الروح
بــعـدكـم حــال ليلى بـلايه مجنون ؟
بـــعـدكـم عـنـي وكتي وانتم (گراب)
بــعـدكـم انـــــه سيف ابرگبه مذبوح
بــعـدكـم مـدري شنهي الصاير وياي
حــتــى بـشـعـر راســـي تبين جروح
طـلـعـت سـطــوح حـبـكم وانه تعبان
وكــل بايـــه بـطـلـعـتـي اتطلع الروح
لـگـيـت تـفـوح ريـحـة ذيــــــچ الايام
طـلـعـت فــوگــي راسـآ كــل السطوح
وگـلـت مـسـموح الـكم كـلشي ياحباب
بــس عــنـي الـبـعـد ما گـلت مسموح

منقول

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الله عليك هموني

عاشت الايادي ياورد

نتظر المزيد من ابداعك

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]