مقتطف من رائعة الشاعر عباس جيجان (كودري)

هذهِ بعض الابيات من قصيدة الكودري للشاعر العراقي عباس جيجان
اتمنى ان تعجبكم وارجو من جميع الاخوة التصحيح لأنني اشك بوجود بعض الاخطاء
كما اتمنى ممن لديه القصيدة كاملة ان يقوم بنشرها

حبج صبح نبض الكَلب يمشي ويغذي الشريان
لا حبج صبح مثل الخمر وبلا فكر خلاني افتر بالشوارع سكران
ما جني من هاي البلد جني غريب ويستحي من ينتجي أعلة الحيطان
وقصة هوانا توضحت مو بس هلي يعرفوهه حتى الجيران
ولو متت دمي بركبتج شيخلصج من العربان
ذولة هلي يردولهم حكة خشم وانتي غزالة مضمرة بالتربان
ولو فرض القسمة الي ما اخلي وداعتج باب اتحاد النسوان
شيصير لو مرة سألتي وكلتي هذا المتلوع بيّة صار شلونه
طبع اليحب ينشد على الناس الذي يحبونة
وطبع اليود يذبح الروح الغالية بس كونهم يردونة
وادري الحجي كلمن اله والناس شو كلمن صبغتة ولونه
ولونج ورد جوري الصبح والناس تتمنه ولو مرة بهنه يشمونه
سولفت لامي البارحة يا يمة شو جنهه الشمس والكمر من عدهه تصور لونة
ومن كثر ما امي وخواتي تسودنن من خدودج الحلوات حطن عالمرك معجونه

اختي العزيزة همس الشوق دائماً تسعدينني بكلماتك الجميلة
لكِ مني الف شكر على هذا المرور الرائع