عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةبوابة النجومس .و .جبحـثالتسجيلقائمة الاعضاءالمجموعاتدخول

شاطر | 
 

 لمحبي الشعر الشعبي ا لعراقي الد ارمي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
!!! ضوء القمر !!!
نجم محترف
نجم محترف


العمر : 33
الجنس : ذكر
المشاركات : 1022
عدد النقاط : 7462
تاريخ التسجيل : 26/10/2007

مُساهمةموضوع: لمحبي الشعر الشعبي ا لعراقي الد ارمي   الإثنين فبراير 07, 2011 11:03 pm

السلام عليكم ورحمة الله وبركاته

كما تعلمون ان لكل بلد تراث من الشعر الشعبي واليوم حبيت انقل لاخواني موضوع يتحث عن التراث الشعبي العراقي وهناك انواع من الشعر الشعبي العراقي

واليوم نتحدث عن نوع مميز في العراق ألا وهو الشعر الدارمي .

< ما هو الدارمي >

= الدارمي هو احد انماط الشعر الشعبي المتداول في مناطق الفرات الاوسط وجنوب العراق وكل بيت
هو بمثابة قصيدة كاملة لما يحمله من بلاغة في المعنى وجمال الصورة ... والدارمي حينما يقال لا
يحتاج الى بيت اخر ليكمل معناه كما يحدث في انماط الشعر الشعبي الاخرى ويتكون من شطرين < صدر
وعجز > كما هو شأن كل بيت شعري.



< اصل الدارمي >

= اقرب الروايات الى التصديق تُرجع اصل الدارمي الى فتاة من قبيلة بني \ دارم \ في ريف محافظة
ميسان \ جنوب العراق ... حيث قالت اول بيت من اشعر الشعبي وتام المعنى ومستوفي لكل الشروط
الفنية دون الحاجة لان يلحقه ببيت اخر يكمله ..
= وهناك روايات عند الباحثين العراقيين منهم من يرده الى بني دارم ومنهم من يعلل الاسم ل دردمة
وهي تسمية شعبية للمتحدث مع النفس ويقال انه مشتق من الدردمة بفتح الدال وهو اصطلاح شعبي
يعني الهمهمة اي تكلم كلاما خفيا . وهناك راي اخر وهو مشتق من الديرم الذي يستخدم من قبل النساء
لصبغ الشفاه وهو من شجرة الجوز . لكن اقرب الروايات الاولى .
هذا بالاضافة لسهولة حفظه كان انتشاره سريعا وواسعا وحفّز اخرين على قول دارميات اخرى
حذت حذوه.
ولاننسى ان اللهجة لها دور في فهم المعنى او ابيت من الدارمي حيث تنقلب الاحرف باللهجة مثل
حرف القاف ينقلب الى كاف مثل كلمة القلب يكتب ويلفظ \ الكلب \ وهكذا

مثال :

ثلثين إلك بالكَلب وإلك بثلث ثلثين +++++ باقيلي ثلث الثلث هم إلك بي ثلثين

= الدهر لو وازاك + ها بالك تصيح + خلي الرمح بجلاك + إصبر لما اطيح

= وازاك : ضيق عليك الخناق = ها \ للندبة = بالك: إياك أن = خلي : دع
= جلاك: كليتيك = اطيح: اقع

= يا يمه شيلي الزاد + توني تغديت + جابولي طاري هواي + بالزبده غصيت

= شيلي : ارفعي = الزاد : الطعام = توني : الان = جابولي : ذكرو له حبيبته

= خالاتي دكن حيل + ها خاله وياي + موش ابني هذا المات + الميت اهواي ..

دكن : معناه اللطم بقوة = وياي : معي = موش : ليس ..

= يا ساعة أشوف اهواي + ياوكت يمته + واشبع عتاب وياه + بس لو لزمته .

= يمتى: الوقت = لزمته : قبضت عليه او التقت به .

وكم هي جميلة وصية الام لابنها وهي تقول له بالدارمي ...

= خل روحك بعز دوم بالك تذلها + ولا تطلب الحاجات إلا من اهلها .

= شحجي وتريد الناس من عندي أحجي + دمعتي إبطرف العين بس احجي ابجي .

شحجي :بلهجة الجنوب يعني شتكلم = بس احجي ابجي : يعني بس اتكلم ابكي .

= والدارمي هو اسلوب المحاكاة ، وهو نمط اسلوبي جميل بني على طريقة المطاردة الشعرية

والمطاردة الشعرية في الدارمي تختلف عن تلك المتبعة في الشعر العربي الفصيح .
صح العراق انجرح بس هذا مو مقياس النخل من ينجرح مايشتكي من الفاس
مادام اسمنه علم يعني احنا تاج الراس ينقاس بينا الذهب مو بالذهب ننقاس
علمني جرح الوطن اضرب مثل للناس الخوه مو بالعدد الخوه رفعت راس
بغداد ضحكه شمس بغداد هلهوله
بغداد ليش الدمع صاير الج سوله
بغداد شنو هل الصبر وج خلكج شطوله
بغداد انت الامل بغداد انت الحيل
بغداد لازم يجيلج الصبر مهما يطول لليل

الدنيا سفرة عمر والصح بيها يشح

ورجال عازة وكت لو عند الشدايد تصح

عالين بيارغ ضوه ويمشي بخطاهم صبح

بردان وغطى الوطن هذا الشهيد ابجرح

**************************
مامات بعده عدل نشمي الهوى اشلونه

بغداد شمي العطر دجله الورد طينه

شبيكه تراب ودفو والرايه دم لونه

ماطاح حلم الوفه حلمه ترس عينه

*************************

بهداي شيلو الجسد جرحه تلمونه

مامات بعده عدل هذا التشيعونه

عريس ودمه ندي وربعه ايزفونه

صورة وطن بالحلم جنه نبي ظنونه

**********************
الحلم هاد بهي واكثر طري الماي

مملكة حلم الملكبس عدنه حلو الراي

للفقرة نريد الخبز وللطفل لعب اهوايه

مامات بعده عدل هذا الينوش سماي

****************************

دنياك مسودنه وياهو عقل ظل بيه

ولاخيره بهذا الشعر لو صار صف بيه

ولاخيره بكلمن سكت عن الحقيقه البيه

ولاخيرة بهذا الوطن لوو ( امريكي ) يحكم بيه

******************
شهداء الوطن
كل سنه بهذااليوم يمنه تسيرون.
بعده الوطن ماطاب خافن تنشدون .
صرتوا بدربنه أشموع بالظلمه تضوون .
وعلمتوا كلهه الناس طبع الوفه شلون .
..............

وصيه

كلما تمر ذكراك أرجع البيتك .
الوطن لاتنسوه جانت وصيتك .
الوطن ماننساه ولاننسه أسمنه .
لابد يجينه يوم نحقق حلمنه .
الوطن لاتنسوه يلغبتوا عنه .
بعده حزنه امجيم بديار أهلنه .
..............
صمود

اصبر وشد الجروح وأنزف فلا اطيح .
حتى الوطن ليضيع وي عاصف الريح .
..........................
تساؤل
أكعد يبعد الروح شوف أ شجرالي .
مدري ابجي علبغداد مدري أعله حالي .
.....................

حقد
يردونك الشمات غارك بالهموم .
صدكني مرعوبين من صحوة اليوم .
..............

لقاء
من أمي ما حسيت طعم الملاكه .
كالتلي الأمريكان صارولي ساده .
كلتلهه يمه أتهون مده أويولون .
كالتلي والعباس ماظنتي يمشون .
......................

خيبه

وي أهلي ما حسيت لهفه للعناك .
حلمي وحلمهم جان مو هذا العراك .
..................

شكوى

ألمن بعد أشكيه همي ومصابي .
وألي أشتكيله صار هو عذابي .
...........................
حيره
ريبه وكثر وهواس والحيره زادت .
بين الكلت والكال وادمنه تاهت .
.............................
أستغاثه
هذا العراق أيصيح وين النشامه .
ذلوني هاي أسنين كافي المهانه
أنهنت ونذليت محد فزعلي .
تاليهه ناس أجناب هي الخذتني
.......................................


بغداد عدنه حلو لمن يصير غروب...
عالجسر فوق الجسر تمشي انته والمحبوب...
ودجله تحظنك حضن وتحس العمر مافات...
وشكد حلوه لمت هلك ومعزوم وجبة عشا وكاعد بالكريعات...
ولو تجي وتفتر بعد وتدخل على المنصور...
طيبة وحنان وعشق وطيور احلى طيور...
والعيد عدنه حلو الله ياعيدي...
يلله....خلي نقارن سوه وايدك تضل بيدي .!.!
إيفل وبرجه.. واهل لندن وكل تكساس...
يرحون فدوه ونذر لشارع ابونؤاس...

************************


...تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مهند الصريفي
نجم مشارك
نجم مشارك


العمر : 35
الجنس : ذكر
المشاركات : 69
الدولة : العراق
عدد النقاط : 4866
تاريخ التسجيل : 24/05/2010

مُساهمةموضوع: رد: لمحبي الشعر الشعبي ا لعراقي الد ارمي   الأربعاء فبراير 09, 2011 9:14 pm

شكراً على المعلومات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
امير الشعر الشعبي
نجم جديد
نجم جديد


العمر : 32
الجنس : ذكر
المشاركات : 4
عدد النقاط : 4128
تاريخ التسجيل : 14/04/2011

مُساهمةموضوع: رد: لمحبي الشعر الشعبي ا لعراقي الد ارمي   الخميس أبريل 14, 2011 2:00 pm

تسلم ايدك على المعلومات القيمة ياضوء القمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لمحبي الشعر الشعبي ا لعراقي الد ارمي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O المنتديات الادبية O.o°¨ :: منتدى الشعر الشعبي-
انتقل الى: