كومه ابوذيـــــــــات خرافيات

وحك رمضان وصيامه والمساك

ابد ما ملن صباحك ولمساك

يسويها البخت خايب والمسك

احس الجنه صارت بين اديه

دوم انشد اعليك الراح والراد

الوفة منك نبع والطيب ورد

ردت منك جواب الهي والرد

اعز الناس ما يسأل عليه

شيجيبك يا ترف يا زين شيراك

اعلمودك شي عجز بعضاي شي رك

لون بوش اعترضلي وجاك شيراك

احبك لو قصف يصبح عليه

عقد ياقوت ذرعانك وفضه

على المخلوق طش حسنك وفضه

حسابي وياك اريد اكعد وافضه

واحجي اللي علي المو عليه

ارد افرمت كلبي والغي رامه

واشيل العشك منه والغرامه

عليك انته المخطط والغرامه

لان حبك كسر غفله عليه

متى تبوس الشفايف ثغر ورداك

متى تشرب بلايه خوف ورداك

متى اللمسة تصير رداي ورداك

متى نغفة على وسادة سويه
:

فسن حبي بشواطي الشوك شرعا

وسهم حبك نبت بحشاي شرعا

اريدن مذهب يحلل البوسه شرعا

ةاذا ماكو ارد للجاهليه

عيون الكلب يوم جفاك يدمن

عفتني ووصافحت يا ترف يدمن

انه المثلي عله الحسرات يدمن

عسه انسه هواك اشعمل بيه

هاك اشعل كلب كلبي ووج هاك

اعله حالة راح اعلمنك واوجهك

يشاللك من تلف شعرك ووجهك

تلف روحي مثل لف المنية

ماشاء واضن اليوم شألك

عله راسي احس الكلب شالك

عله شعرك لون ذبيت شالك

تذب عالروح طركاعة وبلية

اللك بايع دليلي وانته حربيه

يتيم انه بجمالك وانته حربيه

افجر كلمن يحبك وانتحر بيه

لان مخصوص حبك بس الية

يضل عالي جبل حبك ماتنصه

وكتاب الوصل منك ماتنصه

تدري بغيبتك كلبي مات نصه

ونصه الثاني بس يبجي عليه

الشاعر مجهول

اخووووووكم

ابو الكتاكيــــــــــــــــــــــت