مبروك الزواج

((مبروك الزواج))





مبروك هسه أكدر أكول

وآني آسف لان تأخرت





جان عبالي أنت مجبور

أبد ماجنت أدري انت الردت





أحبك وللموت ما أنساك

عاش لسانك تحبني خوش ثبتت





فلذلك كمت تشوفني وماتعبرني

ليش آني ألك بيا وعد كلي خلفت؟



ماحبيتك ؟ ماضحيت لجلك؟

مابجيت بغيابك ؟ حاجيني شو سكتت؟





لو آني الاختاريت البعد عنك

وكسرت كلبك وبعيد الحب تزوجت؟







لو آني الماحسيت بيك أبد

وبشهر العسل غفيت ونمت







كل هذا انت سويته

تاليها شفتني وعني غلست







جنك مانمت بحضني كبل

وأبد بوسه عله شفتك مطبعت









سبع أشهر وأني منتظرك تجيني

تكلي آسف من دونك أني ضعت







ماكفاك كل مرة تكسر كلبي

وآني لكلبك أبد مابيوم كسرت







كلشي ماغليته عليك

حته بروحي لجلك خاطرت ؟







كل يوم مانسيتك ياظالم

وبالذكريات تلكيني كلبت





كل يوم أبجي بحركه

وأكول أخ ألف أخ يا وكت







مو بيدي ماأكدر أنساك

وتبقه أجمل أنسان بعيني شفت





شايف ألف خير يا حبيبي

وأذا مرتاح لاتجيني حته لو متت







__________________________________________________________________________________-
تنويه : هذهِ القصيدة والجميع قصائدي المطبوعة تجدونها على موقعي على الفيس بوك https://facebook.com/alsaha3er

كلمات كتبتها أنا :أسعد العزاوي