غدر بريء

غدر بريء
تلقيت دعوة فرح والكلب طار = فرحان بصديقي الدومه محتار
ظل سنين مسافر وهاجر الديار = قبل فترة وصل واتخذ قرار
يخطب وحدة حلوة مثل الاقمار = تعوضه سنين الغربة ومر الاسفار
يوصفلي بجمالها المنه ما صار = والاخلاق روعة وكلها افكار
بس جابرها ابوها وهو اختار = جابلها عريس يملك الدينار
ايدته بزواجه وكتله استقرار = مو تبقى عازب وحشه الدار
اشتغلنه سويه وانتشرت اخبار = الخميس زفة بقاعة الانوار
ملينه القاعة زينه ونشرة وازهار =وهيئنه مكان كعدة الخطار
العرسان وصلو بموكب جرار = والعروس مدنكه وحاجبها استار
العريس متأنق ومن الفرح طار = واني ورة الزفة القي اشعار
صارو اكبال الحشد بوجه الزوار = والموسيقى علت بعزف الاوتار
تقربت اهني العروس باصرار = رفعت عينها طلعت حبيبتي ابرار
يقلمي / ابو الحق