احلى الابوذيات توب

يبوشفرالمطعم برد شفراك
تلاكيني وتصدلي بغظب شفراك
لليمته تكص بعضاي شفراك
ظل وذر وكولن موش بيه


غريب وهايم بدنياي ويهاي
وردت بس البياض وماي ويهاي
يلاهي شلون تجمع هاي ويهاي
ابات النفس والحاله رديه

قلبي ما فرح عقبك ولا سار
ولا جدمي خطى لغيرك ولا سار
اخبرك ما بقت كلمة ولا سار
فضحني الدمع غصبن علية

من شفتك تمر گلبي دوالي
وناقوص العشگ يمك دوالي
عجب توصف دوه وانت دوالي
لضغطي وسكري الصعدن سويه



حبچ خيط البگلبي والابره
وقسمت بخالق الدنيا والابره
طيفچ لو يمر عيني واله ابرى
اخيط العين لو رمشت عليه

جرت دمع النواظر منشفتها
بعد يا ايد تنفع منشفتها
ابتروا جف العراق ومن شفتها
كطعت ابجود اله اثنين اديه

عراق الطيب لاتعتب عل الام
وسنين اتكابر ابروحك عل الام
ابجوفه اجروحك التنزف علي لام
بعد لتخاف من اهل الرديه


وحي من زفير احشاي ورثي
انة تخلفيت النوح ورثي
ارد اجابل دار ابو سلمان ورثي
مثل ما رثة الشامي البرمكية



ونيني لا سنه يبطل ولا عام
ولا سيد برى العلتي ولا عم
ولا عندي اخو بدنيا ولا عم
اون بسكوت والعله خفيه

بير..وشمااچملةالماي ينگاص
بسبب انتو البديتو الغدر ينگاص
لسان اللي يحجي علينة ينگص
نگصة ولوچان بحلك حيه


وة الزيتون من دمعي ولا راك
وغيرك ما نحل جسمي ولا راك
اخاف طول مدتنه ولا راك
تعال وبدداحزان العليه


جر بالجدم حيلي ما يعني
وصلي كثر النوايب مايعني
اخوي العزل زادة ومايه عني
تنكر للاخوة وخان بيه


طلبت روحي ورادت ولفهه
انجرحت بيش اضمدهه ولفهه
القصايد بعد مكتبهه ولفهه
عليك ولا قلم الزم بديه



بشده فكري انتة اتهمك واقسمنك
ولا ظالم المثلة واقسة منك
الزمك ودي مرة واقسمنك
والحمنة قفص صدرك علية

مشكور اغاتي على الابوذيات الرائعة
تحياتي الحارة لك
دير بالك لتنجوي

شكرا

شكرا

شكرا لكم على هالمرور الجميل تحياتي للكل

[ندعوك للتسجيل في المنتدى أو التعريف بنفسك لمعاينة هذه الصورة]