الابوذيه 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا الابوذيه 829894
ادارة المنتدي الابوذيه 103798
الابوذيه 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا الابوذيه 829894
ادارة المنتدي الابوذيه 103798
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةبوابة النجومأحدث الصورالتسجيلدخول

 

 الابوذيه

اذهب الى الأسفل 
3 مشترك
كاتب الموضوعرسالة
حيدر الكعبي
نجم محترف
نجم محترف
حيدر الكعبي


العمر : 41
الجنس : ذكر
المشاركات : 1712
الدولة : حبيبتي كربلاء
عدد النقاط : 11972
تاريخ التسجيل : 08/11/2007

الابوذيه Empty
مُساهمةموضوع: الابوذيه   الابوذيه Emptyالثلاثاء يناير 08, 2008 9:57 pm

احبك واحب عينك ورمشاك
واظل طول العمر امشي ورة مشاك
اذا تكطع عني مرسالك ورمشاك
اموت ومايظل كل نفس بية........

اجيتك حرت ادك الباب لولا
غريب وبالغريب الوكت يولا
لعب بيه الزمان شلون جولة
دخيلك لاتصير وياه علية.............

سهم هجرك بلب حشاي وسم
يخايب ليش بية تبيع وتسوم
اخير الروح بين الخنك والسم
سم وخنك رادتهن سوية...........

شكثر زلات الململك واعدلك
وجنت بايدي اكومنك واعدلك
وعدت انت وانا كلبي وعدلك
وفيت اليوم وانتة غدرت بية..............

لغيرك مارجف كلبي ولا دك
وثكيل وياك ميزاني ولادك
جهازك لاعلي رمش ولا دك
قساوة البيك لونقصان بية.........

اشيلنك بالعيون بهاي وبهاي
واصير انة الك من تعطش الماي
لان طبعك ذهب صرت انة شراي
حبيبي انتة واوفيلك للمنية...............

سهامك بالكلب صابن ولاحن
وكلبك مابجى لحالي ولا حن
لهلال العيد ماافرح ولا احن
افرح من تجي انتة علية..............

اليحبك كبل كالو يابةلاشاك
واعذرة الكلب بيكم يابة لا شك
بسعر يوسم بعتني يا بلاشك
احبك وانتة هيج غدرت بية.....................

جان كلبي بغيابك ياما حامي
والك عمريكضيتة ياما احامي
بعد يلحك علية يا محامي
اذا روحي وعلي ترفع قضية..............


كلبي لغير حبك ماتعنة
وجدمي على درب غيرك ما تعنة
فدوة كلبي لكلبك مات عنة
واموت واحتيي من تصير الية.......................


بدمع عيني كتبتلك خاطر اني
والك مايوم كاسر خاطر اني
غير انتة تجيني خاطر اني
اجيك واسلمك كلبي بدية

انة بطور المجافـــــــــــــــــة ...منشداني
وخيط الفجر طبعي............ منشداني
اذا ماتنشـــــــــــــــد انتة.....منشد اني
واذا تكول اشعليك؟؟انة شعليةـ
ـــــــــــــــــــــــــــــــــــــ

تانيـــــــــنة اشكثر طيفك...ميانة
وعطشت وحسبت جيتك...ميانة
ترك بضلـــــوعي وتكلي..ميانة
واكلك صـــــــار واخذلك تحية
ـــــــــــــــــــــــــــــــــــــــــ

اناشغ من غرامك.,..اوفمنة
عجيبة وكلبي ماكو...اوفمنة
لاحب بشفاكة.......او فمنة
لا والله احبك مني اليــــة

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

..............

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..............

وهذا بيت كتبته مشتركاً مع الشاعر محمد رحيمة الطائي

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

..................

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

.................

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..................

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه


اجفوفي مكًطعة ابلحظك اجرمن
وبحبــك بعد ما اكًدر اجرمن
الصلى و صام ما حصل اجرمن
يـحيي العاشكً بوكت المـنيه



اشمالك يازماني علي صليت
ابنار وحمسيت اجلاي صليت
مثل ما صلت ام عمران صليت
دوخني الهوه وذبني بنويه



طبعك مو شجي و گتلك شجاني
اشجنيت وياك شوگلي شجاني
امس چنت انحضن وانشم شجاني
گنفذ والحضن حسره عليــه

اسولف محد بربعي يعيني
اريد العون ماواحد يعيني
كافي من البجي والمن يعيني
البجيت الهم صفوا عدوان اليه

اصيل انته ومضيفك دوم تنضاف
وكلبي وياك من الالم ينضاف
ريت العمر فوك العمر ينضاف
لشيلن عمري الك وانطيه هديه

صديحك نسفه كلش ويوله
وشوفه العشرتك راغب ويو لا
دكله الشوف من يعله ويوله
يبين بل الشمس كسران فيه
اشتخسر لو فد ساعة تمرنة
انشربك جاي ونوكلك تمرنة
خدم نوكف لون انتة تمرنة
ونخدمك يابو ذات الوفية


*خلص عمري بالتوسل وداري
وانا العالم بحالتكم وداري
ضعت وتيهت ولفي وداري
وبقت نفسي يويلي تلوم بية


*مغيم دوم وكتي ماصاحي
موت بيوم عسري ماصاحي
اخوي بيوم فرحة ماصاحي
بيوم الطاح ذب حملة علية

فخاتي اثنين طبن بيت صبي
عليهن يا دموع العين صبي
تعلمت الصياغة من ايد صبي
وصغت احجول محبوبي بدية

زماني والدهر وياي عنفص
ركبت زمال نص الدرب عنفص
حبيبي الجنت اودة هم اليوم عنفص
زكطني وشمت العدوان بية

غرامك بالگلب حافر وناقش
سرت نيران تحرگني وناقش
أريد أگعد معك أحچي وناقش
وگلك لشوكت تقسي عليه

رضيت بزينك وبشينك وعابيك
وگلبي ماوعدغيرك وعابيك
تراني أشور بيك وعابيك
على لسانك تريد تخون بيه

عليش الوكت بويه مرمراني
وعل كل باب شامت مرمراني
جنت ما خاف وكتي ومرمراني
علج عطني وكام ايلوج بيـــه

شريف ومن خلق ابدا خيالك
وياهو من البشر داعب خيالك
خيال الناس اسود بس خيالك
يضوي بمشيتك على الوطيه

الكلب مارف على غيرك ولامال
وتعبت من كثر الوعود ولامال
ابشرك بعد ما انساك ولامل
وخلا شما يصير يصير بية


منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية

منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية

عاجبني بنضرة عيونة وطولة
شوكت يا روحي اوصلة واطولة
بدونة اسهر ليالي وتطول اه
حبيبي ويصعب فراكة علية

دم ابچي ودمع يا ناس لبنـي
منين اطلب ربـايه وذاك لبني
بفّـادي الـدهر يوليدْ لبنـي
ورماك بسجن دهري وخان بيه

يهالتسأل علي نايم بالأنعاش
وجثير من البشر مثلي بلن عاش
تلاحكني كبل حملي بالنعاش
وكبل مايطبك المظلم عليه

اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه

عليمن منشده فكري وبالي
على الي سبب الروحي وبالي
صرت مثل الخشب يابس وبالي
حتى النار ماتشتعل بيه

ول? انی الاحب? والله مليت
مو من? انه من الشوق مليت
شمحلات? اجيت ودنيتی مليت
و هذا الطيف دوم يمر عليه
الرجوع الى أعلى الصفحة اذهب الى الأسفل
هموني العراقي
نجم خبير
نجم خبير
هموني العراقي


العمر : 33
الجنس : ذكر
المشاركات : 5435
الدولة : العراق ღ گلبي كربلاء
عدد النقاط : 13949
تاريخ التسجيل : 21/10/2007

الابوذيه Empty
مُساهمةموضوع: رد: الابوذيه   الابوذيه Emptyالثلاثاء يناير 08, 2008 10:45 pm

مشكور حيدر عاشت الايادي
الرجوع الى أعلى الصفحة اذهب الى الأسفل
حيدر الكعبي
نجم محترف
نجم محترف
حيدر الكعبي


العمر : 41
الجنس : ذكر
المشاركات : 1712
الدولة : حبيبتي كربلاء
عدد النقاط : 11972
تاريخ التسجيل : 08/11/2007

الابوذيه Empty
مُساهمةموضوع: رد: الابوذيه   الابوذيه Emptyالأربعاء يناير 09, 2008 3:55 pm

شكرا الك حبيبي هموني

على المرور الجميل
الرجوع الى أعلى الصفحة اذهب الى الأسفل
ألم شاعر
نجم مشارك
نجم مشارك
ألم شاعر


العمر : 31
الجنس : ذكر
المشاركات : 70
الدولة : بين احرف كلماتي .. تحت ظل القلم
عدد النقاط : 11858
تاريخ التسجيل : 04/01/2008

الابوذيه Empty
مُساهمةموضوع: رد: الابوذيه   الابوذيه Emptyالأربعاء يناير 09, 2008 9:25 pm

حبيب كلبي حيدر
قريييييييتهن كلللللللللهن
كلهن
ووحدة احلى من الثانية
يخبلن والله
عاشت الايادي
الرجوع الى أعلى الصفحة اذهب الى الأسفل
حيدر الكعبي
نجم محترف
نجم محترف
حيدر الكعبي


العمر : 41
الجنس : ذكر
المشاركات : 1712
الدولة : حبيبتي كربلاء
عدد النقاط : 11972
تاريخ التسجيل : 08/11/2007

الابوذيه Empty
مُساهمةموضوع: رد: الابوذيه   الابوذيه Emptyالأحد يناير 13, 2008 11:16 pm

شكرا الك حبيبي الم

على هالمرور الجميل


تحياتي الك
الرجوع الى أعلى الصفحة اذهب الى الأسفل
 
الابوذيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O المنتديات الادبية O.o°¨ :: منتدى الشعر الشعبي-
انتقل الى: