*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 829894
ادارة المنتدي *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 103798
*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 829894
ادارة المنتدي *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ 103798
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةبوابة النجومأحدث الصورالتسجيلدخول

 

 *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^

اذهب الى الأسفل 
+3
هموني العراقي
محمد الحلاوي
روح كربـ,,,ـلآء
7 مشترك
كاتب الموضوعرسالة
روح كربـ,,,ـلآء
كربـ,,,ــلآئية للمـ,,,ـوتـ
كربـ,,,ــلآئية للمـ,,,ـوتـ
روح كربـ,,,ـلآء


العمر : 33
الجنس : انثى
المشاركات : 1802
الدولة : ولادتي كربلاء المقدسة سكني بغداد الحبيبة
عدد النقاط : 11982
تاريخ التسجيل : 25/10/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالخميس فبراير 14, 2008 6:05 pm

مجموعة من الابوذيات عجبتني وحبيت تشاركوني بقرائتها

نفس ونريد شمـك ياهوانا
العمر ذله ابغيابك ياهوانه
أتيه الروح يمــك ياهوأنة ؟
خيالك مرهم ودلاها لية




جمالك زاد عن يوســف وقبله
وحبك صار لي منــــــبر وقبله
أمر أعلى الصخر اني وقبله
لأن قلبك صخر مـــــاحن عليه


جنت صافن ضربت خماس بسداس
ساسك صح بنيته وياك بس داس
صحيح انه العبت وياك بس داس
افر الزار كاز يصير الية



رضيت ابضيم عذالك ويهلـــــــك
وعارك حيل مابيه ويهلـــــــــــك
لبوك ادعي ابمرض قاتل ويهلك
ومك تنعمي وتصير اليـــــــــــه



المن خزرتك يا ترف والصاد
تلفت گلبي بعذاب الهجر والصاد
الف جزوة انصب للوصل والصاد
عذولي و ضاعت الفرصة علية






البخلّ ما وصل يمي .... ما لحاني
وتضل وحده كلمتي .... مآألحّ آني
كريم والانبار امي ..... مالح آني
معّزب دوم يالتنشد عليه



ازرع ورد واحصد شوك واجني
وغرامك بالف لهبه نار وجني
يقاسي الكلب دمعي حرك وجني
ولا مرة عطف كلبك علية







عطر منك يمرنه بسد وردنه
زرعنه الخير بينه وما وردنه
خبر مكتوب منك لو وردنه
اجيك ازحوف وحجيلك عليه



ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونگسمن سويه



جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية



تعال انظرضنى حالي ولوني
بجفاك وصل غذالي ولوني
طريح اوساد يحبابي ولو ني
اصبر والصبر ما فاد بيه



اجيك ازحوف ماأتعب ولفحط
وبنص الكلب ياوادم ولف حاط
ألف حراس لو خــلو ولفحط
اجيلك واليصير يصير بيه



حبك بالكَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه


ابسبب تدري اعله مامش راح مديت
شبابي والخلك والموس مديت
صبر ونخه يداحي الباب مديت
حالي ابمستحه اعله اجفوف اديه




يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه



أنكتل كدامي كلبي..منسكتله
ودم مادام جرحي..منسكتله
طلع عينه كلبي...منسكتله
وعافه براحته يلعب عليه



كلبي شم عطر خدج وراساج
وعلى مرمى العشك حطج وراساج
احلف بالغزل واهله وراساج
معوفنج لمن تدنه المنيه



نفسك دوم حاسبها ولمها
تره امن ايدك مسرتها ولمها
فقير الحرص عالدنيا ولمها
وغني اليقنع ابرزفه لبلا شجيه



عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بية




ذبل هرش الگلب يبناي عوده
وانا من احبابي ما حصلت عوده
يرد للدار مـا ظن بعد عوده
ويرد شملي يـمه بيك اليـه



كافي جفة يحبابي بس عاد
ودعي من رب العرش ايامكم بسعاد
عهدآ عليه اذا الغالي بس عاد
احني جفوفي ودوس المنيه


ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه



حبي ابدمايوم الك ينكص
وليش الصاحب من يغيب ينكص
وكت خله الحديد بخشب ينكص
وكت خله النذل يلعب عليه


نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من احظنه شيفكه من اديه


وحك البلمهد ربه وحاله
الدنيا وياي للهامه وحاله
صديقي الهد علي چلبه وحاله
الچلب رد وصديقي انهد عليه



گضن ايامنه يبن اامي وراحـن
وعليكم رمدن عيوني وراحـــن
شال المحب وگليبي وراه حــن
صفى بس البچي والنوح اليه


اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه..


افز من يجي وليفي وفر بيه
وشبكه ومن فرحتي وفر بيه
اذا بالشته وجو بارد وفربيه
احس تموز حضنه يصير اليه


حبيبي شلونك بهجري وانه بعيد
لجلك البس السود وانه بعيد
كتله حيل احبنك ونب عيد
اكرر والصده يرجع عليه


اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه



نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة وهم بيك
طلعت جذاب وتلعب علية.....



أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه



حلو يمشي بخيال البيت شفته
تشبه لمعه الياقوت شفته
مريض أنه او دواي بطرف شفته
ودواه احسن من الدكتور اليه



كتلني الينسل بشعره بلاماي
مثل عود الكبر يزهي بلاماي
مراجيب الهوى سارت بلاماي
كون أشوفك كل صباح أوكل مسيه



تواصلنة صبح سطحي وشكلي
واباوع بالأفق هجرك وشك لي
حبيبي عاين الحالي وشكلي
كبل ماتهجر وتقسي علية





صرت قصه وسوالفهم... روني
المصايب من عكب عينك...روني
يل خدودك عسل صافي .وروني
شفني من كل مرض لجان بيه




أحبابي اشلـون حــالتــكم بعدنا
اشبدينا والوكــت عنـــكم بعدنا
إذا انــــتم نســــيتونا بــــعدنــا
أبذكركم كل صباح وكل مسيه




مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية




احبك ما أحب عالارض سواك
سبحان الذي من طــــــــين سواك
بشر لكـــنه ويـــة الگمر ســـاواك
واحد فوق واحد بــــــــــين ايديه



أشلون الروح اكضها من تهم بيك
أو مثل تهمه حبـيــبي منتهم بيك
الضيم اليمر بــــــيا منتة هم بيك
عســـاكم بالفرح والضـــيم بيـــة


هنجل كلبي من شافك ودرباك
وحرت شلون اعلمنــــك ودرباك
كضيتة زحوف شارعكم ودرباك
زلغت الركب وعكوس ادية



عطشان علة جرفك ليش يماي
كل خصلة منكظهة تصيح يماي
بعيد ابعد بعد لا تلفــــــي يماي
اذا تلفي اشك ثوب العلية




أصد وازعل وادير العين طبعان
لچن لچمات إلك بالگلــب طبعان
حلو بكلشي و لكن بيــــــك طبعان
تـشــــك وتــغار حلوة وبيها اذية



بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحگني بالشفا گبــــــــل المنيه




نقل طرف الجذيله وحـــــيل يرها
حچي الغالب على المغلوب يرها
أنا روحي أشعره ومجنون يرها
لون عــــاقـل تــرك منـــها بـقـيه




حبيبي اديارنا لـــــــوجيتوا مرها
أونفسك عالوفـــــا والطيب امرها
عشرتك ضقـــت حلوتها ومــرها
و طلع مــــرها أمــر امن المـــنيه




يحلوة عيوني انتي ونتي رمشي
لتزعليني منــــــج ونه ترة امشي
راح انطيج رقمــــي ونتي رمشي
بس يرمش اتصل مية بالمية




حياتي لاطعم بيهه وريحه
ارتب الكلب بوجودك وريحه
اهجم حيفا وغزه واريحا
وادور إرضاك يالمبعد عليه




احبك واعتذر منك وناسف
جمال بروحك امغربل وناسف
احط بروحي تي ان تي وناسف
وافجر روحي اذا تزعل عليه


كلتلي ألبس مخطط وساده
واهلك من نسل طيب وساده
انا طول اليل افكر على الوساده
افكر بيك يل ماتفكر بيه



حديقه بعلم رب الكون ظليت
وعن درب العلم ياناس ظليت
شجره وبس على العاوين ظليت
صرت سايق مخده وجودليه



يغايب اريد اشوفك وانتشابك
اشبكك انه بيدي وانتشابك
ولك انه امن البعد عقلي تشابك
بس ارجع الكروه عليه



إلك صار الكلب سلوه ويظل لك
ويوله اليبعدك عني ويظلك
اغار عليك من تمشي ويظلك
واغار عليك من روحي عليه



سهام عينج بكلبي حيل شرعا
وسفن حبج بخليج الروح شرعا
وردت مذهب يحلل البوس شرعا
واذا ماكو ارد للجاهلية




عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه؟!



اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه



رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه؟؟



مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه



كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه





متى منياي يحبابي .. سنلها
ويوم البالجفه روحي .. سنه لها
دويت ونار فركاكم .. سنلها
وحركت الفزعوا ايطفون بيه




شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه



روحي برشف خدك من عداها
احب وصلك وهابك من عداها
افراكك يوم احمله من عداها
ازورك لو تصير احزاب اليه




ليش الغدر جسمك منتشر بيه
وكلبي لاتكل صافي منته شر بيه
طرف صبعك حبيبي من تشر بيه
كره واحقاد امطاره عليه




شبده مني وتركت بساع ودك
ولو ادري بعذاب الگلب ودك
اعتب عالزمان اللي عَلَيّ وداك
اختارك وكح حتى تخون بيه



اكتبلي شما اردت تكتب واردلك
بساتين بوسط گلبي ورد .لك
اروح وابتعد وازعل واردلك
لأن الگلب بيدك مو بديـــه



گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه



زاد بكلبي شوكك...و انتقل بيه
و صعد للراس حبك...و انتقل بيه
شلون احب غيرك..و انت قلبي
و انه بكلبي احبن مو بدية




يلايم لاتعذب الروح خلهه
عساها تموت بعد فراك خلهه
لزم ايدي الطبيب وكله خلهه
الالم بالروح ماهو بديه

تحياتي
منقول
الرجوع الى أعلى الصفحة اذهب الى الأسفل
محمد الحلاوي
نجم خبير
نجم خبير
محمد الحلاوي


العمر : 33
الجنس : ذكر
المشاركات : 2171
الدولة : العراق اولا
عدد النقاط : 11984
تاريخ التسجيل : 23/10/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالخميس فبراير 14, 2008 6:23 pm

حلو يمشي بخيال البيت شفته
تشبه لمعه الياقوت شفته
مريض أنه او دواي بطرف شفته
ودواه احسن من الدكتور اليه



عاشت ايدج لولاية

كلهن روعه والله

ننتظر المزيد منج

تحياتي
الرجوع الى أعلى الصفحة اذهب الى الأسفل
هموني العراقي
نجم خبير
نجم خبير
هموني العراقي


العمر : 33
الجنس : ذكر
المشاركات : 5435
الدولة : العراق ღ گلبي كربلاء
عدد النقاط : 13929
تاريخ التسجيل : 21/10/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالخميس فبراير 14, 2008 6:58 pm

جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية

شكراً

ـــــــــــــــــــــــــــــــــــــــــــــــــــــــــــــــــــــــــــ




[center][ندعوك للتسجيل في المنتدى أو التعريف بنفسك لمعاينة هذه الصورة]
[/center]
الرجوع الى أعلى الصفحة اذهب الى الأسفل
aso safaa
:: مشرفة منتدى المرأه ::
:: مشرفة منتدى المرأه ::
aso safaa


العمر : 36
الجنس : انثى
المشاركات : 3296
الدولة : كربــــــــــــلاء
عدد النقاط : 13481
تاريخ التسجيل : 20/10/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالخميس فبراير 14, 2008 9:22 pm

مشكوره حبي على الكلمات النايس

تحياتي

ـــــــــــــــــــــــــــــــــــــــــــــــــــــــــــــــــــــــــــ




[ندعوك للتسجيل في المنتدى أو التعريف بنفسك لمعاينة هذه الصورة]
.
.

.
الرجوع الى أعلى الصفحة اذهب الى الأسفل
وردة الجوري
نجم فعال
نجم فعال
وردة الجوري


العمر : 36
الجنس : انثى
المشاركات : 414
الدولة : كربلاء
عدد النقاط : 11756
تاريخ التسجيل : 15/02/2008

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالجمعة فبراير 15, 2008 4:31 am

عاشت الايادي
يسلمووو
الرجوع الى أعلى الصفحة اذهب الى الأسفل
حيدر الكعبي
نجم محترف
نجم محترف
حيدر الكعبي


العمر : 41
الجنس : ذكر
المشاركات : 1712
الدولة : حبيبتي كربلاء
عدد النقاط : 11952
تاريخ التسجيل : 08/11/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالإثنين فبراير 18, 2008 7:29 pm

عاااااااااااااشت الايداي والله

على هالمشاركه الحلوه
الرجوع الى أعلى الصفحة اذهب الى الأسفل
كربــــ بـــنـــت ــــلاء
نجم خبير
نجم خبير
كربــــ بـــنـــت ــــلاء


العمر : 34
الجنس : انثى
المشاركات : 2899
الدولة : هنا و هناك
عدد النقاط : 12895
تاريخ التسجيل : 23/10/2007

*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Empty
مُساهمةموضوع: رد: *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^   *^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^ Emptyالثلاثاء فبراير 19, 2008 2:01 pm

گلبي انت ملكته وانت حر بيه
عليل ودواه عندك وانت حر بيه
ويا كاس السم اجرعه وانتحر بيه
ولا غيرك يمس اطراف اديه

ابوذيات روووعه

مشكوره حياتي

تسلمين

تحياتي لعيونج

بنت كربلاء

الرجوع الى أعلى الصفحة اذهب الى الأسفل
 
*^_^ مجـ*ــــمــ*ـــوعـــــــة ابــ*ــــوذيــ*ــــاتــ*ـــ ^
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ¨°o.O المنتديات الادبية O.o°¨ :: منتدى الشعر الشعبي-
انتقل الى: