شسولف وانتَ يمي

شسولف وانتَ يمي وآنــه حآير بيك
بعد خليني أحيـر وياك خليني

خليني اعترفلك واليحب مجبور
اضيعـن بيك اريد ولا تدليني

شـفتك بالگلّب ما شفتك آنه بعين
لأن طبعك شمس ما تحملك عيني

مآ تگدر تعوفوك موتتني الروح
واذا اردهـا عله دربك هم تمشيني

تسودن كلشي بيه وظلّ يسولف بيك
وآنـه وياك اظل عاشگ سواديني

مدري شلون اشوفك وانتَ جوه الروح
واگل لروحي يمك خل توديني

نص دين البشر لو رادوا يكملـون
وآنــه الكملـت ويآك كـل ديني

تداوي الروح بيدك بيدي أمرض الروح
حته النوب ترجع هم تداويني

يم العين اشوفك وانت ما موجود
احسك تمشي دم بنص شراييني

واشوفك انتَ آنه وآنه انتَ تصير
واذا اشتاگ الك اصفـن وأحاجيني

.
.
.

نقلته مع تمنياتي ان ينال اعجابكم

لكم تحياتي

بنت كربلاء

شـفتك بالگلّب ما شفتك آنه بعين
لأن طبعك شمس ما تحملك عيني

متميزه دائماَ

عاشت الايادي عيوني لى النقل المميز

تحياتي وتقبلي مروري

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

عااااااااااااااااااااااااااااااش لسانك الي كال هل كلام الحلو وعااااااااااااااشت الايد الي كتبته متميزو وروعة دائما يا بنوته وان شاء الله في تقدم أكثر وأكثر ونريد نشوف منج كل ماهو جديد لا تبخلين علينه ومتراوينه الجديد تره نشتاق لكتابتج منا وجاي والله اني الحقيقة اول مرة اقرة هذي القصيدة الرائعة والي بغاية الجمال والابداع وبما انهو اني هم أكتب شعر فأكلج هذي شي مميز والله وأول مرة أشوف شعر بهذا التميز والابداع وخصوصا من بنية بس اني مااستغرب هذا الكلام يطلع منج لان من صدك انتي مميزة وشي طبيعي لو تميزتي فوك تميزج بكل النواحي الان المميز بكلشي مميز

ويارب يارب ألج يمي دعاء خاص يم الحسين عليه السلام بكربلا ومراح ابخل بدعاء لاي واحد
وخصوصا انتي لان من صدك كاعد احس اكو تشجيع من جانب المراقبه الحلوه بنت كربلا الي خصوصا لمن ترد علة قصيدة اني أكون كاتبهه
ويارب انتي بخير ودائما بخير
_________________الشاعر أسعد العزاوي

ماذا تريد منيـ انـ اعلقـ هذهـ المرهـ ؟؟؟
كلماتكـ فاقة كلـ تعبير وهربتـ الحروفـ منيـ والعباراتـ ولا يسعنيـ القولـ الا انتـ رائعـ
وعيوني اسعد العزاوي اريدك تندعيلي اني هم يم ابي عبد الله اذا انته راح تزور لان اجتنه الامتحانات يمعود علكت علينه

مشكورين على مروركم العطر

وردودكم الرائعه

نورتو

تحياتي

شكرا على القصيده

الله الله عليج

رائعه ومتميزه القصيده

عاشت الايادي على النقل الجميل

نتظر المزيد

تحياتي لكِ

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

تسلمون على حضوركم الجميل

منورين

تحياتي