قصيدة بمناسبة ولادة الأمام الرضا(ع)

بسم الله الرحمن الرحيم
السلامة عليكم و رحمة الله و بركته

الحكمه اويه العقل ميزان

المحبه لليحب عنوان

واحنه إبعقل وبحكمه نحبّك ياعلي السلطان

وثبتت بالگلب منك محبّة اتفجرّت بركان

*****
سلام اويه الهوى الساري نزف للساكن خريسان

سلام والف چلمة شوگ نبعثهه مزجناهه ابدموع الحزن والحرمان

*****
سلام اعلى الغريب امن الغريب امطرز ابلوعه واسى واحزان

علي موسى الرضا حبك سرى ابدمنه وترك وسط الگلب نيشان

*****
علي غربتك غربتنه علي لوعتك لوعتنه علي فجر السطع ومنّور الاكوان

سلام امن المحب مخصوص للمحبوب يالحبّك دماهه اليسري بالشريان

*****
الرضا باب الحوائج واليطوف إيشوف عنايّه تجيله اشكالهه والوان

الرضا ما خاب طلابك يابحر الجود الرضا شافه المريض وطيّب الوجعان

*****
ابو محمد ذخر لو وجر بينه الظيم يا حامي الدخيل وسلوة الحزنان

ابو محمد مضيفك عامر ابكل يوم صرتْ للكرم آيه امطرزة ابعرفان

*****
ابو محمد دخيلك والدخل مامون لفتاتك چثيره وكل محب طمعان

ابو محمد تعنينه يا طيب الذات يا من نهجك امان وسيرتك قرآن

*****
ابو محمد نلوذ ابسّدك امضيعين يا سور وامان وملجأ الحيران

اولامتنه العواذل چيف واليناك يامن فاز اليودّك والجحد خسران

*****
ابو محمد ولينه ولا نزل ابيوم وهاي اعهود حبكم من علي البرهان

ابو محمد منار وتاج فوگ الراس ابو محمد فخر كل محب كل انسان

*****
الرضا انريد الرضا منك يا طيب الذات ونواسيك ابدمعنه وبالگلب اشجان

الرضا نگصد مقامك لو لفانه الظيم ونطوف ابحضرتك وبگلب ولهان

*****
الرضا گالوا أنيس لكل نفس مهموم يا بهجة سرور الانس ويه الجان

الرضا عطر النبوة ابكل زمان ايفوح الرضا حبك حياة انغرس بالوجدان

*****
الرضا غصن الرساله وثمرة الابرار الرضا هيبة محمد نبعة الايمان

الرضا سر الوجود وزهد ماينقاس الرضا بحر العلوم الخاض بيه غرگان

*****
الرضا مطلب اخير ابجدك المختار احضرْ يوم هول ايشّيب الشبان

يوم البيه ماينفعنه مال وجاه لا انساب لا اولاد لااخوان

*****
الشفاعه انريد منكم والقصد معروف ونلوذ ابحصنكم من لظى النيران

وبعد نعرف الحبكم فاز بالدارين اشما چانت ذنوبه انشمل بالغفران

الهي ابجاهك احشرنه ابمحبتهم يالحبهم نجاة ويروي كل عطشان

يارب ينال اعجبكم

تحياتي لكم نور كربلاء

]

الف الف الف شكر
يسلموووووووو

عاشت الايادي يا ورده
ننتظر الاجمل

مشكورة حبي اميرة علئ مرورج الرئعه ومشكور اخي الغالي علئ مرورك الجميله

نورتو موضوعي

تحياتي لكم

نور كربلاء

عاشت ايدج

بنت اولايتي

على القصيده

الرائعه

تقبلي مروري المتواضع

مشكور ابن اولايتي

علئ مرورك الرائعه

الذي نورة صفحتي

تحياتي للجميع

تسلمين نور كربلاء

السلام عليك يا انيس النفوس

السلام عليك ايها المدفون بارض طوس

السلام عليك ايها الامام المعصوم

عاشت الايادي

تقبلي مروري

العمدة

مشكور علئ المرور

الراعه

تحياتي

نور كربلاء

شكراااااااااااااااااااااااااااا

على هالمساهمه الجميله

تحيااااااااااااااااااااااااااااااااااااااتي للجميع

حيدر الكعبي
العراق \ كربلاء

السلام على علي بن موسى الرضا

اللهم ارزقنا زيارت اهل البيت في الدنيا

و شفاعتهم في الاخرة

عاشت ايدج و بارك الله بيج

تقبلي تحياتي

كربلائية

» زنجيل الولاية بمناسبة ولادة امير المؤمنين(ع)تبركو بالمرور
» قصيدة مقروءة فيديو بمناسبة قدوم شهر رمضان
» قصيدة مشتركة بمناسبة ذكرى وفاة بطلة كربلاء عليها السلام
» فن الرضا
» لمولاي الرضا في يوم مولده الاغر