يا طفلة تانيني .. : |

اللهم صلِ على محمد وآلِ محمد الطيبين الطاهرين
السلام عليكم ورحمة الله وبركاتهُ

عـزآء بعنـوآن :: طفلة

للـرادود المبدع :: خادم الزهراء

باسم الكربلائــيْ

[ندعوك للتسجيل في المنتدى أو التعريف بنفسك لمعاينة هذا الرابط]


طفله وشفت بالنوم .. جن والدي المظلوم
يمي ويحاجيني
ويكلي كافي اللوم .. لابد اجيج بيوم
يا طفله تانيني


عليله و ع السهر متعلمه عيوني
ما ادري شجاني وغمضت اجفوني
رحت سارحه بطيفي وعالم اظنوني
واحس وجهي تغير وانخطف لوني
بس ما غفت هالعين .. وانطبكت الجفنين
لن شاهدت عيني
جن شفت ابويه حسين .. ويكلي لا تبجين
يا طفله تانيني


أبويه حسين جن شفته حضر يمي
وتبدد غيم حزني وزال كل همي
على صدره يضمني ويلهج ابإسمي
ويكلي ليش دمعج ع الوجن يهمي
يا طفله كافي النوح .. زدتي اعلى جرحي جروح
منهو اليداويني
لا بد هضمنا يروح .. وارجع وافرح الروح
ياطفله تانيني


يمسح فوق راسي بجفه ويشمني
على صدره الشريف الطاهر ايضمني
يكلي حالتج يا طفله تهضمني
وهاذي دمعتج اكثر تألمني
لا بد زمان ايعود .. من السفر موجود
يمج تلاقيني
هذا الصبر مريود .. لابد ارد اردود
ياطفله تانيني


عقب ما كعد يمي وضمني الصدره
جاوبته بنحيب ونايحه وحسره
يابويه شلون جرح البلقلب يبرى
وانته بعيد عني وسلوتي العبره
اتسلى بالاعبار .. واتنطر الاخبار
يا ساعه تلفيني
جاوبني هذا الصار .. لا بد ارد للدار
ياطفله تانيني


عفتني بعلتي ونوحي وجمر وني
وغبت والغيبه غيبه واكطعت ظني
ابعثت لك كم رساله كم خبر مني
وقلت لك ليش ما تنشد بعد عني
عن عيني شخصك غاب .. واتمنى خط اكتاب
منك يوافيني
متنطره اعلى الباب .. ما ارسلت لي جواب
يا طفله تانيني


بويه اعليك احن ما حنت الناقه
العلي الاكبر اخويه شكثر مشتاقه
وعبد الله الطفل يا مصعب افراقه
صدك ويا رقيه اختي اتلاقه
من هالحلم فزيت .. لن خالي شفت البيت
والهم يباريني
دمعة حزن صبيت .. وينك يا من ناديت
ياطفله تانيني


النوب الحال اصعب صار و اتغير
ولا ادري الحلم بالعكس يتفسر
بس ايتام رجعت من هلي وخدر
الخبر لن والدي بطف كربلا موذر
والما يمر ع البال .. بس عايله واطفال
رجعت تواسيني
شلون انعكس هالحال .. جا وينه بويه الكال
يا طفله تانيني