[ندعوك للتسجيل في المنتدى أو التعريف بنفسك لمعاينة هذه الصورة]كبرنا هواي گبل سنين بسنين
والدنيا صعبة وصرنا منسيين
لا أهل لا صحبان بالدنيا مشغولين
البير نحفرة بخياط وكل أحنا عطشانين
بس مادام بينه نفس لله مشكورين
...
گبل المحبوب لمن يطل ويگلي مشتاقين
يوگف جسدنا صنم وتتحتضن الروحين
شوماكو يالمحبوب لو أحنا منسيين
يوم المااشوفك بيه عمية هاي العين
والي مايسمع صوتك ماسوى يسمع زين
والله لايجعلنا بيوم من ضحكتك محرومين
وكم مرة اشوفك بالعمر صدگني خسرانين
وعد عندي أگطعت أگص الگلب نصين
ونتقاسمه أنا وياك ونصير متساويين
حب وحنان وشوگ صار النه سنين
موكافي بعاد وخل نجمع الشملين
خوفي من لبزمن ليفرگ الگلبين
البارحة يفلان ترة جوني خطابين
غيرك أنا ماهويت بوسة الخدين
گلبك شراني صدگ لو باعني بفلسين
گلي..
گلي يابنت الناس ياربي تتهنين
عيشة وترافة وفرح وغيرهة متشوفين
گتله كل هالعمر چنة أحنا مخدوعين..؟
گلي
صدگيني يابنت الناس أحبج بس الزمن موزين
ربطت الدنيا الايد وخلتنا مربوطين
مو كلشي النريده يصير بالقسمة مقسومين
گتله حچيك صدگ لو أحنا حلمانين
لعبة قدم قصتي من تنتهي بشوطين
باچر...
باچر ترة زفتي للموت مشايين
وتمنيت هسة الموت چن أحنا خلصانين
ولبست..ثوب العرس ولا تضن ترة معرسين
موزفت عرس زفتي ترة جنازة الميتين
ويوم الأجت زفتي جرة دمعي عالخدين
ياعيني بين الناس وينه التودين...؟
حتة طيفك ماشفت بوداع المحبين
هاي هية صارت صدگ ونحلت الايدين
ووداعنا وداع أم لطفل من فطمته بسنتين
...