بحيرة البجع(بس يمنة حصريااا) لحك يا ولــ,,ــد

شلوووووووووونكمــ
اليوم جبت الكم قصه بحيرة البجع 2008 :حصرررريا.:

فد يوم من الايام ومن سوء حظه الامير سكفريد جاي يتمشى بالغابه هو وصاحبه صاير لوتي على اساس يريد يصيد بط وفجأة لكه الحذااء؟؟؟؟؟
لالالا عذروني هاي غير قصه مال سندريلا ....

نكمل من قبل تكرمون الحذاء نرجع

كلنه يتمشى وسمع صوت بطه(مو اغنيه بطه وراكبه البطه)
لالا ولا(سياره بطه)

بطه صدكيه سمعها تغني اتعجب وذب السهم من ايده وبقه صافن يفر بأذاناته شلون بطه وتغني؟؟

وبقى يباوع عليهه ولحكهه وره مطلعت من المدرسه ...اقصد من البحيره جان تنكلب بطه حلوووووووه كلش تخنبل (سبحان الله) بس هوه عاف الموضوع كله وبقه صافن المسكين شلون طلعت من المي وهدومهه يابسه؟؟؟
بربك مو سحكله مصري؟؟المهم ظل متعجب شنو هاي منو هاي (على فكره اهله جانو غاصبين عليه ويلحون هوايه ويردون يزوجوه الوحده مدري من يا دوله يعني يردون يعكلوه للرجال)
المهم
صاح عليهه وكال يا بنيه يا بنيه
التفتت عليه وكالت شكو شرايد؟؟
كاللهه ممكن فد 5 دقايق من وكتج؟
كالتله فضني شتريد ما عندي مجال من الساحر كاعد ينتظرني هذا معقد و حواجبه طوال و مو مال هالسوالف
كاللهه يعني اذا اجيب شيخ العشيره وعمامي تقبلين بيه؟
لو حاطه عينج على واحد حلاق؟؟ شرطي ؟؟منا منا...المهم كالتله عوفني رحمه على ابيك اني ما اريدك اشطح ما ارتاحلك ولي ليغاد
فهو كال
لو هاي البطه لو ما اتزوج..هع هع هع هع
وهاي البطه منو حابسهه بالقلعه فد واحد ساحر صار يمكن 3 سنين من هجروا الحلاق مالته وممزين وكفشته هالكبرهه وحواجبه اشطولهن وبنته فد وحده حااااته درجه اولى
المهم هذا الساحر يحب البطه اقصد (الاميره)ويريد يتزوجهه وهيه متقبل لآن حالفه متتزوج غير الامير سكفريد
(عبالك هوه واكع بحبهه)هع هع هع هع
وفجأه واحنه مندمجين ويه الاميره سوده عليه البطه والامير المسكين طلعن اثنين سناجب ما ادري منين
لا وفوكاهه يحجون تكول الحجي موزعي بالحصه ياهو اليجي يحجي بشر وحيوان
طلع البطل منو؟؟؟
(السنجاب)عوفك من الامير هذا قصته طويله ...
وهذا السنجاب يحبله وحده سنجابه وهاي الوحده السنجابه تحب الامير (عبالك شايل خرزه كلهه تحبه)وهوه يتوسل بيهه واتقدم الها وبنى الها بيت بأرقى شجره بالغابه بس متقبل غبره لآنها تحب الامير والامير يحب البطه والبطه يحبها الساحر والساحر بنته تحب الامير والقصه كلها على بعضها كلاوات واحنه طلعنه قشامر ولي هسه ممفتهمين هاي القصه شنو تاليها بس يكولون بالاخير طلع بالتلفزيون ورد وعصافير شنو السالفه ما ادري منو انكلب ورد ومنو انكلب عصافير ما ادري هع هع هع هع

الي افتهم شي انطي جائزة هع