قصيدة التاخي الى كل العراقيين

التأخي

اخوك انه العراقي بيقضتي ونومي وكل البيك صاير تره بيه

واطيح بنخوتك تلكاني ايد وسيف وتعرف زين بالنخوه العراقيه

واذا المقتول انت يعني قتلوني واذا المقتول شيعي امه سنيه

وعيون الوطن تبجي على المقتول لو سني انقتل تلكه امه شيعيه

هاي الزوبعه سوتها اسرائيل رادت تذبح الاسلام قطعيه

أذا اخوان كلنه بحب رسول الله من باب الجوامع للفضائيه

واذا جرحك نزف تلكاني مصرف دم لان دمي اللك مليان حنيه

واذا صاحت مره وتنخاك من بغدادوتعرف المره التنخاك شيعيه

ذيج الساع تصير الها اسعاف هاي اختك مره وبشواربك هيه

وكلبك هم مثل كلبي ايصير لان مسلم عراقي ميه بالميه

ومن كعدت بجت كالتك انت منين كلتله اخوج من الوزيريه

بس هذا الذبح من خارج حدودك لوبي تنذبح لو تدفع الديه

والاسلام حرم مقتل الانسان والارهاب حلل دمنه شرعيه

خل نكعد تعالو نحل مشاكلنه ومايصفه الوطن الاابهاليه

واذا عاطت مره بميسان قبلها تعيط نسوان العماديه

وذا عاطت مره بجبال كردستان دكت نايبه ابيت الجنوبيه

وسوادي وكع بالبصره يااسلام والتبجي عليه نسوان كرديه

هذا الشعب غيره وشرف واحساس والتذبح اهلنه الكل حراميه

الماضي مضه ونشرب عليه الماي وعلى ولاية محمد نعقد النيه

تحياتي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الف شكر كلمات اكثر من رائعه

تسلم يداك خيووووووو

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

مشكوره عيوني على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكووووووووووور حبيبي

هموني على هالقصيده الحلوه

والجميله

تحياتي الك