حلم خمس سنوات

موضوع: حلم خمس سنوات السبت أبريل 12, 2008 3:37 am

حلم خمس سنوات

خمس سنوات من التطوير الاداري والتقني والفني .
خمس سنوات من رغد العيش وتقديم أفضل الخدمات من ماء ومأكل ومشرب ورعاية صحية حيث الماء والكهرباء متوفرة للجميع في منازلهم . وتقديم أفضل الخدمات الطبية للمرضي وتوفير الدواء لجميع المرضي .
خمس سنوات من التقدم التقني والعلمي والتربوي وتوفير فرص العمل للجميع من الخريجين وغير الخريجين
خمس سنوات من الحرية والتعبير عن الرأي والرأي الأخر لامعتقلات لا تعذيب لا إعدام لا تهجير لا اغتصاب ..لالالا؟؟؟

هل نمضي بأحلام ألف ليله وليله ؟؟؟

تفرج انشاء االله ابو سيف

مشكور حبيبي

تحياتي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

اخي الغالي رائد

احب اوضح شي واحد كل هذه الامور التي تحصل في البلد

هي سبب جهل الشعب لانهم اتخبوا هذه الحكومه

ونجروا وراء الشعارات المزيفه اتي استخدمها السياسين الفاشلين في نظري

لكن بعد كشف الحقائق وشاهدوا ماذا عملوا في العراق خلال هذه السنين

انشاء الله اتخذوا من هذه المرحله درساً

واتمنى عدم تكراره في المستقبل

ابو سيف الورد شكراً على الموضوع

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

اخي العزيز ابو جاسم ان هذا التعبير على الشعب العراقي البطل الصبور الذي تحدى المصاعب

ليس لائق ابهذا الشعب الجريح ولان صح التعبير نقول ان الشعب العراقي البطل على قول اهالينه فطير وفقير وعله لاهيته ولا تنسه اخي ان الشعب العراقي او بالاحرى العراق مر بضروف صعبه ولا احد مر بيه من دول العالم او ماصايره بالكره الارضيه فنسال من الله ان يحمي العراق والشعب العراقي من كل مكروه وعلى فكره اذا خليت قلبت ما ادري الكرسي بييييييييييييييييييييييي سحر لو مكتوب علىالكرسي للبوك فقط ......

هع هع هع هع هع هع هع

مشكورين على ردودكم الجميله ونقاشكم الاجمل

مشكور على هذا الموضوع انشاء الله تفرج مبقى شي

هوة عمرك شفت عراقي مرتاح من ايام ادم وحواء لهسة هع

سبحان الله م اسمه عراقي يعني التعب شايله وياه

تدرون من نرتاح نضوج نحس روتين صار بالحياة نروح ندورلنه على فد هم نشيله هع

خمس سنوات من الحرية والتعبير عن الرأي والرأي الأخر لامعتقلات لا تعذيب لا إعدام لا تهجير لا اغتصاب ..لالالا؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل نمضي بأحلام ألف ليله وليله ؟؟؟

؟؟؟؟؟؟؟؟؟؟؟؟؟؟؟

ابو سيف احب اعرف جوابك حتى اكدر اجاوبك

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

ابو جاسم ماذا تقصد احب اعرف جوابك حتى اكدر اجاوبك

ابو سيف انت ذكرت بالموضوع

خمس سنوات من الحرية والتعبير عن الرأي والرأي الأخر لامعتقلات لا تعذيب لا إعدام لا تهجير لا اغتصاب ..لالالا؟؟؟؟؟؟؟

احب اعرف تعليقك على هذا الكلام هل هذا حقيقه ام ماذا ؟؟

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

كانت الحريه خلال الخمس سنوات فوضويه وكلمة الحريه ومعناها جديده على الشعب العراقي
لذلك كانت فوضويه على حد تعبيري والتعبير ايضا والمعتقلات والتعذيب والاعدام والتهجير والاغتصاب .... تابيعات ايضا للحريه الفوضويه ولكن بالايام القادمه والسنوات القادمه يعرف الشعب العراقي مامعنى الحريه في حد ذاتها واسأل سؤال هل لوحضة الحري في بداية الخمس سنوات والحريه الان طبعا لاحضنا هذا الفرق كبير في الماضي والحاضر والمستقبل يبشر ابخير انشاء الله فعاش الشعب العراقي باحلام الف ليله وليله

ولك الشكر ياحماده على هذا الاهتمام بالموضوع

اخي العزيز

اولاً

الحمدالله والشكر خلصنه من

40 سنه كانت ظلم وقتل النه

والمنجزات كثير حصلت بحكومة السيد المالكي

والحكومة منتخبة

السيد علي السستاني الله يحفظة ويرعاه

كال اللي ما ينتخب هاي الحكومة
يدخل جهنم !!!

شكراً عالموضوع

محمد الحلاوي كتب:: اخي العزيز

اولاً

الحمدالله والشكر خلصنه من

40 سنه كانت ظلم وقتل النه

والمنجزات كثير حصلت بحكومة السيد المالكي

والحكومة منتخبة

السيد علي السستاني الله يحفظة ويرعاه

كال اللي ما ينتخب هاي الحكومة
يدخل جهنم !!!

شكراً عالموضوع

ابو جاسم الورد

عندي تعليق على ردك

اريد اعرف شنو هي الانجازات التي حققها السيد المالكي

اني مو ضد حكومة المالكي لكن مع الحق شهد العراق في السنين الخمسة الماضيه تدهور الاوضاع

من جميع النواحي ولكن قبل الاسابيع الماضيه حصلت صحوه

لسيد المالكي وهي القضاء على الجماعات المسلحه والقضاء على الخارجين عن القانون

ولكن بعد التضحيات التي قدمها الشعب ومازال يقدمها

اما بخصوص السيد على السستاني والانتخابات

سيد على لم يعطي اي فتوى بخصوص دخول جهنم او الامور الاخرى التي

استعملها السياسيين المعرفوين للشعب العراقي في الانتخابات من اجل الوصول الى الحكم

وانا ذكرت في الرد السابق كل ماحصل في العراق هو سبب الجهل في البلد

لكن العراق على ابواب الانتخابات المحليه لمجالس المحافظات

وانشاء الله جعل الانتخابات السابقه درس للعراقيين لتصحيح الاخطأ التي مروا بها

تحياتي وامنياتي للشعب العراقي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

حماده العراقي كتب:

محمد الحلاوي كتب:: اخي العزيز

اولاً

الحمدالله والشكر خلصنه من

40 سنه كانت ظلم وقتل النه

والمنجزات كثير حصلت بحكومة السيد المالكي

والحكومة منتخبة

السيد علي السستاني الله يحفظة ويرعاه

كال اللي ما ينتخب هاي الحكومة
يدخل جهنم !!!

شكراً عالموضوع

ابو جاسم الورد

عندي تعليق على ردك

اريد اعرف شنو هي الانجازات التي حققها السيد المالكي

اني مو ضد حكومة المالكي لكن مع الحق شهد العراق في السنين الخمسة الماضيه تدهور الاوضاع

من جميع النواحي ولكن قبل الاسابيع الماضيه حصلت صحوه

لسيد المالكي وهي القضاء على الجماعات المسلحه والقضاء على الخارجين عن القانون

ولكن بعد التضحيات التي قدمها الشعب ومازال يقدمها

اما بخصوص السيد على السستاني والانتخابات

سيد على لم يعطي اي فتوى بخصوص دخول جهنم او الامور الاخرى التي

استعملها السياسيين المعرفوين للشعب العراقي في الانتخابات من اجل الوصول الى الحكم

وانا ذكرت في الرد السابق كل ماحصل في العراق هو سبب الجهل في البلد

لكن العراق على ابواب الانتخابات المحليه لمجالس المحافظات

وانشاء الله جعل الانتخابات السابقه درس للعراقيين لتصحيح الاخطأ التي مروا بها

تحياتي وامنياتي للشعب العراقي

اهلاً اخي حمادة

شكراً للمداخلة

اني راح اكلك شنو الانجازات اللي اشوفها تحققت

اولاً : المالكي قضى على مشكلة اسمها الحرب الطائفية

واللي جانت العرب تهلهل الها هاي قضى عليها
ومعروف الطائفة اللي تأذت اكثر من الطائفية

ثانياً : بحكومة المالكي انقطعت رؤس كبار الارهاب مثل الزرقاوي وغيره وغيره

ثاثاً : كان من حكومة السيد المالكي موقف شجاع

بالتوقيع على اعدام الطاغي رغم انو التوقيع عالاعدام لازم يكون من مجلس الرئاسة لاكن هو اللي كال اتحمل كل المسؤلية القانونية .
وهاي اكو غيره ميسويها اذا طلبت منه الدولة اللي مسيطرة عليه

رابعاً : روح شوف عوائل شهداء اللي قتلهم النظام السابق

شوفهم الان كاعدين ينطوهم منح وقطع اراضي واليتزوج كل تكاليف الزواج على مؤسسة الشهداء وصرف المؤسسة من السيد رئيس الوزراء..

وبالنسبة للسيد علي السيستاني الله يحفظة وينطي العمر

اني اكلك لا كال واجب انتخاب الائتلاف اكو ناس بنفسهم زارو السيد بذاك الوقت وتأكدو

.......

واحنه راح نظل يا حكومة تجي منه وبينه ما نصير وياها

ولا ندعمها حتى نرجع دائماً للوراء

تحياتي

1 : المالكي وكل الاحزاب هم صنع الطائفيه بالعراق

2 : اكو الف زرقاوي وارهابي في مكاتب الحكومه والاحزاب وخير دليل الدليمي وغيره طلاق بدون حساب

3 : الشعب من اسقط الطاغيه ومن اعدمه بالضغط على الحكومه وليس المالكي او غيره لولا اتخاذ هذا الموقف لرأيت المالكي وانصاره وكل من ينادي كذبا باسم الشعب خارج العراق

4 : كل من لديه عقل ومنطق يقول ان السيستاني لا يفتي هكذا فتوى فهي تنافي الشريعه الاسلاميه جملتا وتفصيلا فالاسلام اعطى حريه الرأي ولم يجبر احد على شي اما بخصوص من يزوره الى البيت كذب وافترى عليك لان كل من يذهب الى زيارته يقابل ابنه (( محمد رضا ))

شكرا عزيزي

رائد

على الموضوع

على كيفك عيوني رفعت

مكاعدين نتعارك

شارك برأيك الحلو بس بهدوء

اني اخالفك اكلك السيستاني حرم عالناس اللي ما ينتخب يدخل النار

صح اللي يطلع محمد رضا ابنه بس ابنه مو بكيفه

الى من السيد الله يحفظة النه ويخلي

واني مو خذت من هذا الموقف وانتخبت

لاكن منو غير السياسيين انتخب الموجودين

انتخب اياد علاوي البعثي لو منو

اخي

محمد الحلاوي

اني هم مو من طبعي اتعارك

ملاحظه

كل فتاوى السيستاني تطبع وتوزع على المكاتب في المحافظات

وكل مكاتبه في العالم

ومن بعدها تتم طباعتها باعداد كبيره وتوزع على المقلدين

ممكن تجيبلنا الفتوى مال الاتخابات

واكون ممنون منك

ثاني شيء

يعني لوننتخب الي يدمر الشعب لو بعثي

يعني ماكو غير هذني الخيارين

ماكو غير ناس ننتخبهم

رجاءا اريد نقاش موضوعي ومنطقي

وما اعرف ليش متناقش النقاط الاربعه الي قبلها ليش بس هاي النقطه تناقشها

وعلى العموم جاوبني اذا اكو بالاسلام هيج منطق او لا

يعني لازم ننتخب هاي القائمه لو نروح للنار وتحرم علينا نساءنا ونحضر جواب يوم القيامه لرب العالمي

هذا يا عقل يا دين يكول هيج شي

راح انطيك خلاصه كلامي حبيبي محمد

الاسلام يكول

لا اكراه بالدين

فكيف بامور الدنيا ومشاغلها

محمد اني دا اناقشك خويه ما دا اتعارك

والاختلاف بالراي لا يفسد للود قضيه

تحياتي الك

عيني ابو جاسم

اني وياك بكل اعمال المالكي الي ذكرتهن

بس اريد اكلك شي مو بس المالكي يمثل الحكومه العراقيه

القوائم المشاركه في البرلمان ولهم الوزراء في الحكومه وكل كتله

عده حصه من الحقائب الوزاريه

وانت اكيد مطلع على الاوضاع كم قائمه مسحوبه من التشكيله الوزاريه

والشعب العراقي هو من يدفع الثمن

اما بخصوص السيد علي السستاني

اذا السستاني هو الي حرم على الناس ولازم ينتخبوا هذه القائمه

اذن السستاني هو السبب في خلق الطائفيه في البلد

لان القائمه كانت تمثل الشيعه والسستاني فرق بين السنه والشيعه

بس اني متأكد من السيد ماله اي علاقه في هذه الامور

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

حمادة

اني اكلك

الحكومة بس المالكي

اربع كتل سياسية سحبت وزرائها

الصدريين والقائمة العراقية وصالح المطلك

والتوافق

والمجلس الاعلى يريد ينصب عادل عبدالمهدي بدالة

كلي منو اللي بقه لعد

حتى من حزبة يعارضون

وبالنسبة للسيد علي

اذا شيصير يكول معلية

كالو حل المليشيات بيده كال ما ادخل واذا الحكومة هيه طائفية وهية دمرت الشعب

الشعب اكثره يمثلة السيد ليش ما يحرك ساكن

واذا ما يدري باليدور حولة هاي كارثة جبيرة حيل
شلون ما يدري شيصير والحوزة بيدة

حبيبي يالحلاوي اشكرك على مشاركتك بالموضوع بس الي اترجاه منك ان اتعوف السيد عل ابحاله مثل ميكول ابو المثل هوه من غير عدس امعدس ونرج من الحكومه العزم والاصرار على ما ينجزونه من الاعمال ونسأل من الله العفو والمغفره للشعب العراقي الجريح ونتأمل من الحكومه التي انتخبت من قبل الشعب العراقي ان تحقق مطالب الشعب بأسرع وقت ممكن لان الشعب العراقي تعب من كثر القيل والقال وصايرين احنه مثل ديلاب الهواء اندور ابدائره مغلقه وماندري مستقبله شنو ارواحنه موجوده في زجاجه ونقل الله يساعد الحكومه علينه تره الي صار بينه ماصاير بالعالم كله والمالكي احسن من غيره قابل احنه ( العراقيين ) حقل تجارب ياهو اليجي يريد يحكمنه على الاقل هذا شيعي مثلنه والتعرفه احسن من الماتعرفه واشكرك على تجاوبك في هذا الموضوع وارجو المناقشه اكثر لعلنا نوصل الى حل معين

» زهرة تتفتح كل 6 سنوات::
» مصيبه من مصائب سنوات الضيااااااااااااع
» المالكي يتقاضى 2 مليون شهريًا = معاش اوباما لمدة 3 سنوات
» اغنية سنوات الضياع :: كاظم الساهر
» حال الناس بعد المسلسلات التركيه (سنوات الضياع )(نور)