أصـــــــــــــد لعيــونك الحلوات .......

أصد لعيونك الحلوات

أصد لعيونك الحلوات أحسها بالگلب تنتل

سـحر هاروت بعيونك مـدري علي شـيرتل

يبو ألوان الفرح والروح عليك تصلي وتهلهــل

جمالك ماأله تشـبيه بيـش اليوصفه يمـثل

أحسك بالنِفس تصعد وأحسك بالنِفـس تنزل

سـبحان الذي خلاك حِسـِن وعفـه متكمل

@@@@@@@@

أريدك مره بيــه تمر يل تسوه العمر كلـه

أريد تشوف كثره جروح حبك بالچـبد خــله

ميزانك عِـوج وياي يمتــه الوزنك أتعــدله

سلكت دربك صعب أظلم وطريقي سهل تندلـه

تعنه وأنگل اجدامك أسـوي الدنيا عيد الله

وأخليك بوسط گلبي يأجمــل ورده بالحلـه

@@@@@@@

بعيونك أريد تلــوح أغاني العيد وهلاله

رمـوش عيونك التجرح دليلي ورايد چمالـه

يمضيف الحِسِن كله بصدرك شاخصه دلالـه

حـــطني بجنتك ناطور شحده اليدنه بسلاله

حتى للسهر يصبـح سـبب وأبقه علهل حاله

وانه المنذور گلبي ليك وأرضه تصير چتالـه

@@@@@@@@

بحر أشواگك الثاير موجه من بعيـــد يلوح

وأنه الطبيته متطمن لأن أنت ســفينة نوح

شيهمني الگلب عندك لو مية جرح مجروح

حبي بس ألك شلال الغيرك ابد ما مسموح

أحس بيك بشرايني وأحسك ثابت ويا لروح

والله العيـــد يمي يصير گبالـي من تجي وتروح

@@@@@@@

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

شكرا هموني على الكلام الجميل

ولاتحرمنه من مواضيعك

تحياتي لك وتقديري

شاكر

ـــــــــــــــــــــــــــــــــــــــــــــــــــــــــــــــــــــــــــ

مشكور حبيبي هموني الورده على ابداعاتك الحمد لله اي قسم ادخله اقره اسم هموني اتمنالك التقدم المستمر في جميع المجالات

تدللون حبايب

مشكورين على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكور هموني على الكلام الكلش حلو

تسلم ياغالي على روعة القصيده

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

مو غريب عليك الابداع

سلمت يداك

بانتظار كل جديد

مع التحية

بنت كربلاء

تدللين عيوني

مشكوره على المرور الجميل

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

» ساعات انيقة للبنوتات الحلوات..