البنت تتكلم بالچات لا يجوز ! تتكلم بالمسنجر يجوز !!

بسم الله الرحمن الرحيم

اللهم صلِ على محمد وآل بيت محمد
اسعد الله اوقاتكم ........

من المؤكد الكل يعرف الــ ( الشات ) الدردشة الكتابية ،،

المهم
بعد ان اصابني الملل من التصفح الروتيني للمنتدى خطر ببالي ان ادخل الى ( الدردشة الكتابية )
وفعلاً دخلت الى احدهن بدون ذكر اسم تلك الدردشة والتي هي عراقية ،،

اثناء ما كنت القي السلام على صحابتي القدامى هناك والذين لم اسمع اخبارهم منذ زمن
حدثت مشاجرة بين احدى الفتياة واحد الشبان وللاسف الشديد لم يكن في ذاك الوقت اي مراقب او ما يعرف بل ( سوبر )

زادت حدة النقاش الغير مشروع ووصل الامر الى الشتم والسب والكلام الغير لائق وفشلت كل محاولاتنا لتهدئت الامر ،،
اخيراً استسلمت البنت المسكينة للتهجم الوحشي والمشين الذي يبديه ذاك الشاب المستهتر على اية حال في النهاية ردد الشاب وكرر تلك المقولة (( انتي لو شريفة متفوتين چات .. والله لو اختي تفوت چات اكسر ايدها ))

بالحقيقية قوله اثار غضبي مما دفعني لان اقول له اذا كانت البنت التي ترتاد الشات غير شريفة لماذ تقوم بالرد السلام عليها ومجاملتها فلم يجبني ؟

فقلت له هل يحتوي مسنجرك على اميلات لبنات ؟ قال بلى قلت ما رأيك بالبنت التي تكلم الشاب بالمسنجر
قال لي اشرف من البنت التي تكلم الشاب بالشات

سؤال / هل صحيح ما يقال ان البنت التي تترد على الدردشة الكتابية بنت غير صالحة ؟
وان كانت الدردشة الكتابية معيبة ومشينة لماذا لا يشمل هذا الامر المسنجر ؟

وكيف تكون الدردشة الكتابية عيب وعار وهي تحتوي على مراقبين ينظرون الى الافواه ما تتكلم وعند حدوث اي مخالفة يطرد المخالف على الفور .. على عكسه بالمسنجر الذي لايحتوي على مراقب الا الله عز وجل
؟

لماذا تكون الدردشة الكتابية عيب وعار للبنت وهي التي معدومة من امكانية الصوت (المايك ) والكامرة

؟
/
/
احترامي مع التقدير لآرائكم القيمة

السلام عليكم

موضوع جميل

بس اختصار الاجابة البنية اخلاقها وحدة

وين متخليها اذا اخلاقها حلوة تعكس عليها

واذا اخلاقها محلوة هم تعكس عليها

ماكو فرق بين جات ومسنجر اذا جانتي تسمح للغلط لنفسها ميمنعها ماسنجر ولا جات واذا جانتي متسمح بالغلط راح تكون قدوة ويجوز تعلم هواية من البنات الي يدخلن

مشكوره هيام الورده على المرور كلامك صحيح ويعود ذالك الى تربية البنت والدروس الاخلاقيه التي اخذتها من البيت الذي تربت فيه
لاكن هل من جهة نظرك انها لاتنجرف مع مثل هذه التيارات الفاسده المخربه مثل ماوضحت بالموضوع او الانجراف الى هاوية الحرام
تحياتي

ما اعتقد تنجرف حتى لو يتغير بيها بعض الشغلات من تنتبه لنفسها راح ترجع تنتبه لادق الشغلات

حبيبي ياسينو بحر الالام صديقي العزيز ماكو مانع ولا مشكلة انو تدخل البنيه للجات والماسنجر بس مثل ماكالت هيام البنيه بكل مكان تعكس تربيتهه وهذا كلام ذهب طبعا نسمعه من هيام
وكل بنيه هيه وعقلهه بعد وتستخدمه لازم زين يالله تحجي ويا اي شاب ممكن يصير ابيناتهم كلام
______________أخوك أسعد العزاوي

مشكور اخويه العزيز اسعد العزاوي شاعرنه المبدع اوكي اني بهذا الموضوع راح امشي وياكم بالنقاش واكول كلامكم صحيح لاكن المواضيع الجايه راح تشوفون شلون اعلكه على البنات صولة الفرسان الان بدأت بالمنتدى هاي المره اعترف فازت دلوعتنه الورده وتحياتي اسعد الورد

بسم الله الرحمن الرحيم
السلام عليكم (صلوا على محمد وال محمد)
اول شي الحلال بين والحرام بين مو حرام البنت اتفوت جات ولا ماسنجر وهمينه الولد طالما الحجي والحوار مابيه اي تجاوزات اخلاقية اباحية كلشي اله حدود .ثاني شي للاسف بعدها النظرة الجاهليه للبنت موجوده انها وصمة العار والداعية للرذيلة مهما كالوا احنا مثقفين ومهما اتعلموا بعدها العقليه الجاهلية موجوده ولاحظوا الاب من تجيه بنيه اسود وجهه وهو كظيم فشنو راح نتوقع من الابناء غير يقتبسون هل شخصية وتظل نظرتهم للبنيه غير هيجي ومهما اعتبرها اخت او صديقة او حبيبة راح اتظل نظرة الشك والقلق منها مسيطرة عليه فهذا الاخ اللي محلل لنفسه يحجي بالجات وحالف ليكسر ايد اخته منطي لنفسه الحق يحجي ويا بنات العالم واخته لا واللي يكون بهل شخصية وهل عقليه اسمحولي اكلكم هذا ديسوي شي غلط مرتكب اخطاء اخلاقيه ويا بنات الناس بالتالي يشك باخته بامه بزوجته يظن كل الناس مثله لكن اللي واثق من نفسه من اخلاقه من تربيته وميستغل بنات الناس وايمانه بالاساس قوي ويخاف الله عمره ميشك لحظه باخته وان اخطأت يجيها باسلوب الانسان العاقل المتدبر .ثالث شي تربية البنت هاي متفقين انه البنت اللي تحترم حالها الناس تحترمها لكن مو معناه انه اللي مو محجبه خلص اكول عليها مو خوش بنية واخليها بنظري بنت شارع لان للاسف هاي النظرة الموجوده في الغالب على اساس وهي ليش تطلع سافرة طالما محترمه ومؤدبه وكانه الناس باشكالها مو باخلاقها وتصرفاتها وهمينه مو شرط والله هاي البنية اجت للجات او انضافت للماسنجر خلص معناه ماعدها اخلاق لان للاسف التفكير الغالب انه هل محادثات متفوت بيهن غير بنات مو مؤدبات .طولت بالحجي ادري لكن اسمحولي اكول همينه شغلة اني ماالوم هل شباب والشابات برغم الاخطاء اللي دتصير ونسمعها ونشوفها تذكروا شغلة وحده الحنان العاطفه وين هل كم الهائل من البنات والاولاد ليش يضيعون وكتهم كله بحجي فاضي تسليه كله كل واحد يحجي مع اكثر من طرف ويدعون الحب والحب منهم براء غير انهم عدهم نقص عاطفي من اهلهم ماخذوا حنان وحب كافي ممتشبعين بيه لهل سبب الضغط يولد الانفجار وبالتالي يدورن على هل نقص باي طريقه وصارت مهنه شغلة الاستغلال العاطفي وللاسف البنية اكثر عرضة لانها تنجرف وره عاطفتها بسبب الاضطهاد والكبت والحرمان اللي عانته وتعانيه بالبيت بالمدرسه بالشارع بالمجتمع ككل لان مقيده الله اعزها وانطاها حقوقها لكن احنا ضيعنا الله والقران ودين محمد والال وجايين نفرض عادات وتقاليد ماانزل الله بها من سلطان وللاسف الولد مايهمه غير رغبته يشبعها ومن يمل يدور على وحده ثانية طبعا مااقصد الكل وما اوجه اللوم للشباب فقط الكل مشترك بالغلط من البيت والمدرسه والمحيط البيئي والمجتمع .مو عيب ولاحرام انه تنشا علاقة حب طاهرة لان لكلشي حدود وقيود وشروط فمو عيب ولا حرام تصير علاقات حب بريئة صادقه جدية بين ولد وبنت عل نت طالما الغرض شريف والنية صادقة .وماكو داعي لرقابة المشرف وغيره لان الرقابه ذاتيه للي يخاف الله واذا لم تستح فاصنع ماشئت .

» يجوز أو لا يجوز تلك هي العلة يا نفسي
» وصل خمسه وقول نكك بالمسنجر>>>يلا تفاعلو
» صور تتكلم ... اعمار العراق و الحكومه !!!
» اجرح البنت تحبك
» الكــل ينــادي بشرف البنت ...لكن اين شرفك انت ايها الشاب