صدك ياوطن باجر امان ايصير

صّـدّك يـاوطـن بـاجر أمـان يــصــيــر
بـاجـر كـلشي عندي وكلـشي ماعندي
بــا جـر يـــاوطــن خـيـرك يـرد ردود
وتـرد الــدول مــن عــندك تــجــدي
باجر نـنـسـعـد بـس يمته باجر هذ؟؟؟
بـاجر يا وطـن مـن يــطـلـع المهدي!!!
وافرض ماطلع تبقه إعله هـذا الحال؟؟
وايـدك فوك خـدك والجــفـن يـدمــع
بيتــك بس إسم مو أنت تـحـكـم بيه
وتـخّلـي الغابة ضــلمة وبابك إمـشّرّع

وجا لك كَلب ضبـيه إمسّرّد من الخوف
وعـيون الذئا ب إعــلـه الكَـلب تـلمـع
وبناتـك صّـم لـحم وبـلا غـطه تخليــه
وجـيــرانك نـمـل من عـيـنهم يطلع
ونـها رك بـي لِـثـّك دم وبنات صغـار
لـحـمـهن با لـشـوارع جـمـلة يـتـوزع
واذا فات العصر عينك تــصـب غروب
واذا فـات الــهمر مــيّـة مـتر تـرجع
وتـسـكت ما تـثـور إتـّاني عبوه تثور
وأخوك إبـّـاب بـيـتـك لحـمه يتكَطع
ويـفـتـشـون بـختــك وأنتّ كلك عين
وتــصيح إبـإذانـك وإنـتّ مـــا تـفـزع
بـعـد شـيـسـوي يطلع قابل إيدليك؟؟
مـقـر أمريكي هـذا وبـيـدك المدفع!!
لـو يـطـلع يكَلك هايّ عيني وشوف؟؟؟
لـو يـسـمع مكانك خاف ما تسمع؟؟؟
لإمامك ماثرت والـقـبـة ذيـج تـراب
وهـسـه تصيح لإبنه تريـده إلك يفزع
إذامو انامـهدي وإنتّ مـهدي تـصير
لـو يطــلــع المهدي المـهـدي ما يطلع

وبعد شيصير أكثر وإنتّ تفزع عود؟؟؟
إشتسّوي أمريكا بيك وإلها ما تخضع
زنوا با للـيل بـأرضك والصبح باكَوك
ما هـمــهـم نـهـار ولا شمـس تطلع
وتوكـلهم لـحمتك وانت ميت جوع
وتـلـّبسهـم حـريـر وثـوبـك إمركَع
ولا تـدمع عـيونـك جـن ولا حـلبوك
وعـيـون الـنـفـط بـعـيونهم تدمع
ولا سـووك سـاحـة ودوله للإرهاب؟؟
ولا بعض البعض من بعضك إتبضع
كل شبرين بأرضك دولة صارت بيك
وكـل عشـرين مـسـلم قلِدّوا مرجع
وإذا واحـد يـكَـلـك إحنا متوحـدين
خـيـطـب لـلـشمال وبـي علم يرفع

لاتـصـفن بـعد والصـفنه إلك مَتلوكَ
كَـبـل تـزأر جـنـت والـكـون يتـصدع
إزأر مـو كـفر تسـتـاسـئـد الـجرذان
وألأرنب عــليـك شـلـون يـتـضـبــع
عراقي من الحرب معقوله كَمت تخاف
وإنـتّ مـن الـقذايـف بـيـتك إمرصع
جنت طـيـنة سـواتـر والله نافخ بيك
وعــضامـك شــضايا وجـسمك إمدّرّع
إرجع مـثل ألأول حـتى حـر تـعـيش
لـو مـوت بـمكانـك كـون مـاتـرجـع
للشاعر نائل المظفر
تــــهمونيـــحياتـــــالعراقيــــــــي

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

واااااااااااااااو

روعه وربي هموني

وانشاء الله الاوضاع تصير احسن والعراق يصير بخير

مشكور حبي ونتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

تدلل حبيبي

مشكور على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

» مثلك ياوطن مالكيـــــنــــه ...................
» باجر انساك..
» حظكم باجر قصدي اليوم 29 / 5 / 2008