مساجلة الدارمي شاركو لاتقصرون

يسألني البطران ليش وجهك اصفر
مايدري على المحبوب قلبي تفطر

جد حبي و الله وياك مو لعبت جعاب *** و انته التعرفه زين مو طبعي جذاب

ارد انشد الصباغ هم يصبغ اقــلوب
اصبغ دليلي اعليك واحزن فرد نوب

بيش ابجي وانت العين ماخذهة وياك *** ردهه ارد افيض الكون كلة على فركاك

هامسى أوها مصباح باجر يشيلـون
اورجليا شالت طيب من دمع العيون

لو ردت أعد أعزاز لا ترفع أيدك *** هي المعزه تكوم وتكول أريدك

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

جيراني موجيران جيراني جيران *** عدهم بنات اثنين واحلاهن الحان

ويا النجم سهران وايدي أعلى خــدي
الليل أوظلام الليل شو كلها ضـــدي

إلي تطلبه ايصير بس أمر انــته *** أو لا تعب الجلمات أشرلي سكته

وحدي ابنص الليل بس حيرتي أوياي
أبجي أعلى وقت الراح واتنطر الجاي

هاك اخذ هاي الروح هاك اخذ كلبي***بلكت اموت اليوم وافرح بكبري

حـط باللبن تيــزاب مجبـور أشربـه
بس لا أشوفك يوم تمشي وي غربـــه

غالي وعزيز هواي حتى اغلى مني *** حتى اغلى من الروح وعيوني ذني

لاتهتم على الراح وي همك الراح
والعالي مو بالطول بالصبر ينلاح

لا تكطع اترجاك سمعني كلمة *** والله الهوة بلياك مايسوى اشمة

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

نت وضعيف اليوم صعبه وتطب روم *** خلينه بس عل خاص والعطوه بس يوم

الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

فهمني يالمحبوب موقف حضرتك *** بالكلب كاعد ليش قابل غرفتك
بالكلب سبع امراض اسهلهن السل *** لكن مرض فركاك زايد على الكل
كون استلم قانون واحكم حكم عام؟ *** واحكم على الينسون كلهم بالعدام
مرسال اودي الروح لهلك تكلهم *** غذبني والعباس بس حب ابنهم
وينك ادور عليك رايد حنانك *** ثاري انت وسط الروح حافر مكانك
اصبر سنه وسنتين واصبرلك اعوام***بس شيصبر العين بالفركه متنام

ومضة

لاتزعل علي بعيوني ماخليك - اخاف من البواجي عليك تتبلل

گلي يابعد الروح وين انت رايح *** ينزف ترى الدلال وظل دمه سايح

راح انه اجيك اليوم خليني يمك
اقبلني عمري ارجوك يالهمي همك

روحي بسرير الموت تنشدني عنك
وتكلي ليش هواك متبري منك

لا تظن يوم أنساك يا لمنبعك در *** ترتعش كل إعضاي من اسمك يمر

» مساجلة بالابوذية :: بين الشاعر الكبير نائل مظفر & المقدمة شهد الشمري..
» اعرف برجك من الدارمي..
» الى الشعراء .. اكمال الشطر الثاني من الدارمي مع الحب