مساجلة الدارمي شاركو لاتقصرون

عمية وعماني الدهر وبعيوني ما اشوف == من جبتوا طاري هواي گمت ازحف زحوف

روحي بسرير الموت تنشدني عنك == وتكلي ليش هواك متبري منك

لا كلبي نوبة ايهيد لا عيني تغفة

لا صبر بيه يفيد لا ناري تطفة

رحت و خليت كلبي يمك امانه
و بس ارد اريد تردلياه بسلامه

تدري شعمل فركاك وشسوه بيه
خله الكلب والعين يبجن سويه

اسمع ونين الگلب شوف شكثر مهموم *** فوك السهر والضيم من شوفتك محروم

ناسي ونسيت الناس بس مانسيتك *********** ودورت اني هواي وبكلبي لكـــــــــيتك

البال بيك مشغول والروح محتـــــــــاره ******** والكلب مثل الجمر ماتنطفي ناره

ياعيني لا تبجين حطوا قريبين

ممشاهم سنه بالخيل ماهم بعيدين

لاتسأل على الحال خليهة سكتة
تسأل على المكتول والكاتل انتة

رمش برمش شديت مانامت العين ... تسهرلك وتشتاق مطلوبة لك دين

بأخر نفس مخنوك وأتمنه اشوفك .... واعذرني بس الموت يجبرني أعوفك

حبيب الروح شخبارك زمن ماشفنة انوارك ..... اذا شوكك مثل جمرة انا بركان من نارك

شفتك حلم بالليل وهزهزني رسمك .... وظل كلبي يرجف دوم من أذكر اسمك

صح انته عني بعيد من تحسب امتار ..... بس انته بين احشاي مبنيه الك دار

رفرفت مثل ألطير روحي على فركاك
لا اكدر اوصل ليك أولا اكدر أنساك

لو متت يا ابن الناس عن موتي مسؤول *** متولعه بيك الروح بس تستحي تكول

ميت وصيح عليك صوت انصه من صوت
واصعب علي فركاك من غصة الموت

بلغربه جن وياك وبعيني اشوفك --- واجفوفي تلمس دوم راحة جفوفك

اني ما بكاني وكتي اني من حبك بكيت

كنت قافل باب كلبي انت من يا باب اجيت

فهمني يالمحبوب موقف حضرتك *** بالكلب كاعد ليش قابل غرفتك

بالگلب گاعد ليش تسئلني انته *** انته الفتحت الباب خليه سكته

اقعد ابتالي الليل وادعي ابصلاتي
ياربي بعد افلان شلي ابحيــــــاتي

بالروح أسلم عليك مو بالاشارة ...... وأنتي يا بنت الناس سويلي جاره

انت السمع والشوف واحساسي بلكون... خلهم كل الناس رافض يكولون

اسال دموع العين دمعه على دمعه ... حبك سكن بالروح ما منه رجعه

لاتسأل إعله الحال خلـيها سكته
تسأل على المكتول والكاتل إنته

شحجي وتريد الناس من عندي أحجي
دمعتي إبطرف العين بس أحجي أبجي

لانفع نصحي أوياك لانفع لــــومي
أنا ادري مامحضوض راح ابقى دومي

ترضعه رقم اثنين وتحسبه ابنه
وتريده تلي الشيب يوفي للبنهه

[ندعوك للتسجيل في المنتدى أو التعريف بنفسك لمعاينة هذه الصورة]

صافن وافكر بيك يا اغلة ناسي ...... كل البشر علكاع وانت علة راسي

المايحب ملكاك منه اغسل ايدك
يعبر عليك ابحور كلب اليريدك

» مساجلة بالابوذية :: بين الشاعر الكبير نائل مظفر & المقدمة شهد الشمري..
» اعرف برجك من الدارمي..
» الى الشعراء .. اكمال الشطر الثاني من الدارمي مع الحب