وصفت جمالك

(( وصفت جمالك بس بدقه ))

البارحة حطيت صورتك كدامي

و كالعادة الدمع ما صدك نزل شلال

وكلت : بجمالك حبيبي اليوم

رايد أسمعك شعر الغزل لو موال؟

بس راح أحير منين ابد آني

لان جمالك خلق الله وماهو لعب عيال

شعرك مبين ذااااااك وينه حلو

لبست حبيبي لو ما لبست الشال

والحواجب شرد أوصفهن حبيبي

أظلمهن آني لو وصفتهن بهلال

وعيونك عيونك ابد مو عيون

لجنهن و الله عيون الغزال

وخدودك يا بعد هاي الروح

جنهن من الكيمر تلال

و الحلك جنه منحل عسل

بس يطلع منه العسل بسلال

و من اجيت عله جسمك بعد

ما لكيت كلمة توصفه و تنكال

اني يمكن انسه اسمي

لو شفت منك والله بس الخيال

تريدني ما أخرب و أطيح

لك و الله لو شافتك أطيح الجبال

الله من سواااااااك أبدع

ومن سواك هوه ما احتاج هوايه عمال

الله خلق الناس كله من تراب

وانته الله خلقك من عسل ويا شويه تراب

و أخذ شعرك بعد من حور العين

و صب جسمك من فاكهه و أعناب

يالجمالك من سلالة يوسف

و إذا مصدك روح وراجع الأنساب

ولو اجه يوم الحساب


انته ابد لا تخاف حبيبي و لا ابد تهاب

لان شيء أكيد بالجنة انته كبل

و بدون أي حساب و لا أي كتاب

حبيبي بكلشي انته من الله مميز

شمعنه توصل لهاي و تنسد عليك الباب

ولا تنسه انته مخلوق من طين الجنة

خو ما الله يعوفك الك و يطبب الأغراب

حبيبي جمالك كلب كل الموازين

الملائكة كلهم صلوا لآدم بفد محراب

بس الك صلوا كل واحد وحد

و ليش صلوا وحد آني أجهلهن للأسباب

بس يمكن اولهم لان بس انته الحلو

وآخرهم لأنك راح تبقه انته أغله الأحباب

وآخرهم حبيبي لأنك راح تبقه بكلبي وبروحي أغله الأحباب

احبك