علاء الكربلائي
نجم شاد حيله
العمر : 35
الجنس : 
المشاركات : 54
عدد النقاط : 12204
تاريخ التسجيل : 10/03/2008
 |  موضوع: ابوذيات تجنن ادخل وشوف  السبت يونيو 14, 2008 3:07 pm | |
| انه المايوم بعتك ونته داري
وصرت گلاده لجلك ونته داري
هلي والناس انته ونته داري
واساسك مو دغش غيره وخويه....
*************
حبيبك لا حلو اصلاً ولاصاك
اجاك وخربط احوالك ولاصاك
مبين ماتعرف اتصك ولاصاك
دجرب بيه صكه وهاي هية...
***************
وينك يلعفت حبنا ومليت
وجفني من دمع عيني ومليت
بلسان كم شاعر ومليت
حبيتك انا وهاذ العلية
**********
الزعل بينك وبيني ابعيد خله
واحنا من الصبا ياصاح خله
تسدلي انت واسدلك دوم خله
وحجيهم عم عليك وعم عليه
**************
الوكت وياي يسري مسره حيه
ولافديوم جفك مس رحيه
وعلي صرت بغيابك مسرحيه
وبلاش الناس تتفرج عليه
**************
ارضعتني الدنيا همهة من نهدهة
طحت والطيحة طيحة من نهدهة
والله ابصدري حسرة من اهدهة
ابجي المن صخر قلبة عليه
**************
اريداحچي وي ابن عمچ واشوفه,,
واسمعه البيني وبينچ واشوفه,,
اذا عنده عداله وعنده شوفه,,
يخلينه نعيش الحب سويه
**************
عليك شلون شايل كلب مامل
وحبك لو جبل فوكاي ماميل
امل الناس كله ابد مامل
ويضل اسمك زرع مزروع بيه
**************
منو مثلي صبر للضيم...... ماهم
وجثير احباب وين اصبحو....ماهم
شما يثكل عليه الحمل.....ماهم
اهم بفراكم يصعب غليه
**************
احترك من جسمي ونص طاف
بغيابك غرك نص مني ونص طاف
يريت المدرسه ترجع ونصطاف
وبمكان العلم ناخذلك تحيه
**************
شعجب دفتر عشكنه ما تكلبه
وليش انت اليكلبك ما تكلبه
ترى كلبي ابغيابك مات كلبه
كلب كلبي توفه وعم عليه
**************
سكاني الدهر من فركاك بس مر
وشهد ماشفت من دنياي بس مر
رمش عيني افرشه بساط بس مر
ترد الروح من تسال عليه.....
**************
صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية
**************
حبيبي شلون اخبارك وصحتك
عيوني تك يعمة وصح تك
كبل لحضات ناديتك وصحتك
سمعتني شعجب ما مريت بية
**************
دعاملنا بلطف تلكانه بلطف
وحطب لاتحط فوك النار بل طف
بجاه حسين ذاك المات بالطف
شمل عراقنا يلتم سويه,,,
**************
عليك الروح تنشد ما تمرهه
وامرهه مو بديهه ومات امرهه
وعليك اليوم نعقد مؤتمرهه
وتحددجدوله بموعد الجيه
**************
سكر كاس الخمر من ضاك نفسك
اكو غيرك حلو بس ماكو نفسك
اريدك يا حبيبي اتبوس نفسك
بس بداخلك تنويهه اليه
**************
أبتلت روحي ولا يخلص بلاها
وبمحبتك ينتهي گلبي بلاها
بعذابك ياحــلو ربك بلاها
وتظل تنوح كـل صبح ومسيه
**************
صرت منخل لجل ربعي ولمة
وطبعهم ماي ما يلتم ولمة
شلتهم من طاحو كبالي ولمة
طحت ركضو خذو الثوب العلية
**************
عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه الجرت منك عليه
**************
بجت عيني علو الخلان من دم
وصار الصبر لي مشروب من دم
لو ابجي عليك سنين مندم
ولا ساعه ياخي تبعد عليه
**************
لاتردني جيت أنه يمك وراضيك
وأبيع الناس لأجل عينك ورضيك
ترى ماريد مالك الطايل وراضيك
بس أريد گلبك وهاي هيه | |
|
كربــــ بـــنـــت ــــلاء
نجم خبير
العمر : 35
الجنس : 
المشاركات : 2899
الدولة : هنا و هناك
عدد النقاط : 13393
تاريخ التسجيل : 23/10/2007
| | موضوع: رد: ابوذيات تجنن ادخل وشوف الثلاثاء يونيو 17, 2008 6:40 am | |
| ابوذيات روعه
عاشت الايادي
لا تحرمنا من المزيد
تحياتي
بنت كربلاء
| |
|
الزعيم
نجم مميز
العمر : 45
الجنس :
المشاركات : 689
عدد النقاط : 12764
تاريخ التسجيل : 19/04/2008
| | موضوع: رد: ابوذيات تجنن ادخل وشوف الأربعاء يونيو 18, 2008 11:42 pm | |
|
عاشت الايادي
ابوذيات روعه
| |
|
هموني العراقي
نجم خبير
العمر : 33
الجنس :
المشاركات : 5435
الدولة : العراق ღ گلبي كربلاء
عدد النقاط : 14427
تاريخ التسجيل : 21/10/2007
| | موضوع: رد: ابوذيات تجنن ادخل وشوف السبت يونيو 28, 2008 6:23 pm | |
| مشكور عيوني عاشت الايادي
ننتظر الاجمل ـــــــــــــــــــــــــــــــــــــــــــــــــــــــــــــــــــــــــــ [/center] | |
|
