الغابة ((نائل المظفر))

نائل المظفر

ماكو غابه
ولا غرابه

والاصناف الي شفتهه حيرتني
شما اگلب بيهه تطلع لو ارانب لو ذيابه

وماكو بالغابه سبع
لا شفت واحد سبع
باوعتله وبتسملي
رد اضحك بس بچيت
لن طلع مكسور نابه

ماكو غابه
ولا غرابه
دنيتك اصلاً طلابه

اليفك بابه يطير
ليش واحد للهوه يعرض شبابه

واليسد بابه الف واحد يرصده
عنده حسبه وساد بابه
وكله اوراق وكتابه

لكن نت تريد تحفظ بابك ومحد يرصده
المسأله كلش بسيطه
لاتفتحه
ولاتسده
ولاتشلعه
ولاترده

شكد خطيه العنده باب
يصير نقمه الباب عنده

لكن الاكثر خطيه
ويستحق نبچي عليه
الباع بابه وخله برده

و موغريبه
كلشي بالدنيه تصادف
رغم فقري
ورغم زغري
وكلشي شايف
وكلهه سهله

ناس ترخص
ناس تغله

ناص تنصه
نس تعله

شفت جيش بدوله ضاع
وشفت واحد صار دوله

وشفت واحد هو ضاع
وشفت واحد ضيع اهله

وشفت واحد ربه واحد
وشفت واحد ربه ميه

وشفت واحد ربه درهم
وشفت واحد ربه لحيه

وشفت واحد سوه كرسي
وشفت كرسي سوه واحد

وشفت چف زايد اصبع
وشفت چف كلهه زايد

وشفت ميه ابيت كعدوا
وشفت بيت ابحده گاعد

وشفت بيت عيب اكتبه
وشفت بيت ابست قصايد

كلشي شايف
كلشي عايف

مااخاف

لحد يراويني سيفه
ولا يجرده
ولا ينظفه
ولا يصقله
ولا يبرده

لان صدگ من يهده
احسب شچم راس گاطع
ما علي چم مره حده

خلي كل من يحچي قصده
لاتراوغ بالكلام
وياي صير حچايه وحده

انه اعرفهه الي يحبني
ماكو روج تحبه سده

لاتگلي استريح
امبينه كلمت استريح
من تجي ومعناهه طرده

واياك تنغر عله واحد
يابجل لو مهمه تعله

لان بس يصعد عليك
يخلي راسك جوه رجله

وانه گتلك
كل شي شايف
كل شي عايف
مااخاف

انه ابن ذيچ المظايف
انه ابن هاي الصرايف

عمي يا ابن القصور
شبيك ويه اهل الصرايف

يا هضيمه
ويا حسايف

انچفت كل الدلال
وطاحت ضلوع المظايف

عمي كافي لخاطر الله
طفي عودك لا تشعله

احترگت القريه بكبرهه
وانت بالنار اتسله

بس اكلك كلهه سهله

ذلة النمرود
نمله
لو بعوضه

ما علينه
المهم شبعته ذله
المهم شبعته ذله

ان شاء الله تعجبكم

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

اكيد عجبتنه هموني

والله كلام جدا جميل

تسلم ياورده على القصيده الحلوه

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

شكراً على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

عاشت ايدك حياتي كلمات جدا جدا جميله لنائل المظفر والاحلى هو انك نقلتها لنا مشكور حياتي

سلمت اناملك
مشكور هموني
دائما تفاجئنى بكل
جديد ومميز
تحياتي
الفراشه

مشكور هموني الورد على القصيده الروعه

نتظر المزيد من الابداع

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

تدللون يابه صدك جذب

منورين الموضوع

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

» نائل المظفر زنجيل ابو ذية اعترف لهُ كل الشعراء هو الافضل ,,,
» نائل المظفر
» نور الحسين ... نائل المظفر
» لاسئله للعملاق نائل المظفر
» جديد نائل المظفر \\ راح اسويلي حزب و اصعد عليه