قصيدة اكسر باب كلبي/غزل

قصيده للشاعر الرائع ميثاق الهلالي واتمنى ان تعجبكم احبتي
تحياتي
هموني

,,, أكسر باب گلبي ,,,

لاتزعل علينه گلوبنه تذوب
ماتدري الزعل شيسوي بينه

مثل ماتنذبح شمعه بسهم ريح
عصرنه الليل بعدك وانطفينه..

گلنّالك نحبك تزعل شبيك؟!
عسه لاگلنه عمي ولاحچينه

مدينتنه ظلام وعينك هلال
دفك شبّاچ عينك عالمدينه ..

يطيحن فوگ اديك سنينه دموع
غيروداعك شطايح بدينه

گمنه نخاف من عيونك عليك
گبلك چم نهر كاتلته عينه

ولاتضحك ضحكتك ترست البيت
عیون البیت تحسد مو أمينه

ولاتبچي أعله خدك لؤلؤ يطيح
أحنه بطرگ خدك وانعمينه

وأكسر باب گلبي بعينك وفوت
المايفتح ألك تنشل يمينه

واوگف لاتدگ باب الگلب نار
بس أشرلي بيدك وانه افتحه

كتب گبلك جروحي ودمعي والآخ
أعله مودك شگگتهن صفحه صفحه...

مو حسبالك أضحكلك بطر.. لا
ولا آنه الخلي وبجروحي شحه...

بس ضميتهن حته أنت ترتاح
وحته احساس (أحبك) ماأجرحه

فرحني بعد لاتبخل وياي
گبلك ماشفت بالدنيه فرحه..

خناجر كلهه چانت گبلك الناس
واخرهم شهگ يم گلبي رمحه

واريدك خلگ سيف تجيبلي وياك
وخلگ الذكريات البيه أذبحه...

حته انسه النسوني وسدوا الباب
شكتبوا وشخذوا من بالي امسحه....

وارسمك يم صفنتي عيونك تصير
لوحه الماطرت من عدهه لوحه

وندوخ اثنينه ومانصحه للموت
نصحه المن! عمر مايسوى نصحه

[ندعوك للتسجيل في المنتدى أو التعريف بنفسك لمعاينة هذه الصورة]

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

گلنّالك نحبك تزعل شبيك؟!
عسه لاگلنه عمي ولاحچينه

مدينتنه ظلام وعينك هلال
دفك شبّاچ عينك عالمدينه ..
هموني حياتي القصيده في غاية من الروعه والجمال عاشت ايدك عمري

گلنّالك نحبك تزعل شبيك؟!
عسه لاگلنه عمي ولاحچينه

مدينتنه ظلام وعينك هلال
دفك شبّاچ عينك عالمدينه

هموني الورد فقدنه مشاركاتك الروعه

والان نستمتع في هذه القصيده المميزه

عاشت الايادي يابطل

نتظر المزيد

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

مشكورين على المرور الجميل

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

تسلم ايدك ياورده

كلامك جميل ونقلك رائع

تحياتي الك

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.

تدللين اسوووووووووو

منوره ياورده

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

» لا يا كلبي لا تأمن للبنات........ بنات للا زعل
» بعد ما اوصي كلبي يعاتب الروح
» قصيدة عن الام
» قصيدة انت عراقي
» قصيدة صبرا يا وطن