قانون العشكَ ...

اختلاف الحب قد يفسد للقلب قضيه

للعشگ قانون

ما مرتاح طبعاً والحچي ميفيد
وبعد ما ظل صبر كافي الصبرته

بالحب تختلف مااختلف وياك
بس عوض كَلب مني الاخذته

مليت انتظر باچر تجي وما جاي
عكَب باچر اجه وما جيت انته !؟

واسهر والسهر ريشه ابمهب الريح
واحس حتى الكَمر عاتبني سكته

وكَلي اشحصلت من عمري ذاك الفات
اذا نص العمر لجلك سهرته

واذا بيه الذنب فهمني خل ارتاح
واذا بيك الذنب رغماً قبلته

يحسدونه شكَثر حسبونه عالعشاكَ
ويكَلولي شكثر من عدنه بكَته

وكَتلهم چذب بس بالاسم محبوب
ومتندم على يوم العرفَته

لأن طبع اليحب معروف عندالناس
صافن والحچي كله ابصفنته

وانت لا تحن لا مثلي هم تشتاكَ
وقانون العشكَ وحدك عزفته

موهيچ اليحب كَلب اليحب ولهان
ولا كَلب اليحب هم هيچ دكَته

كل ساعه احتركَ طافيني دمع العين
وترجع حضرتك ثاني وشعلته

ومثل عالم صرت بس تخترع اعذار
ولعلمك نعم هسه افتهمته

بستانك حزن منه جنيت اهموم
ماجاني الفرح لايوم ضكَته

كافي بطلت رجعلي كَلبي النوب
مااريد العشكَ ماعندي بخته

وباچر لا تجي ودكَ على الباب
مفتاحك لأن اصلاً كسرته

وتتندم علي تحلم تردلي بيوم
وخط رجعه چذب سولفهه نكَته

وازيدك بالشعر بيتين مو بس بيت
البومك للصور بيدي حركَته

ورسمك لو طفل والعين امه اتصير
من عيني بعد صدكَ فطمته !!

وخسران اعترف والحب تجاره صار
وبايع مشتري كل شي خسرته

بس ابقه القلم وانت الورق جوّاي

وبكيفي الاريده والشطبته
وبكيفي الاريده والشطبته

ضرغام العراقي
ديوانية الفرات العذب

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

تسلم حبيبي هموني على الشعر الجميل

تحياتي

شكرا هموني على النقل
ننتظر المزيد

أسعد العزاوي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

مشكورين على المرور

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

مشكور حبيبي على النقل عاشت ايدك

تدلل يابه

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

عاشت الايادي ياورد

قصيده رائعه

نتظر المزيد من الابداع

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

تدلل حب

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

الله عاشت ايدك هموني الورد

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
.
.

.