صوت الشمس للشاعر جبار رشيد

السلام عليكم

جبار رشيد

صوت الشمس

كلمن باصله يعمل لازم إيعلموه
اهله اعله الوفه
وبالصبر يتحلّه…
* * * *
ويكَلوله الجفوف اطيح الفنجان
ومن جف الجمر
ماتوكَع الدله…
* * * *

التكَوده من اديه لتكَله انه امدليك
خاف ايمن عليك
ايكَوم يتبلــه
* * * *

اليكَلك جنت لتسمعه لمن جان
مومن الفعل
من الحجي تمله!!
سيفه البالحرب عصة متاع ايصير
زحمه بين اخوته
وبالشقه ايسله!!
* * * *
الحر حر الطبع لتغرك الأشكال
وميذل العبد
لو مارضع ذله…

لدّور نزاهه بروح مثل ابليس
اتكَلبه اشماتكَلبه
بكل طرف خلّه
* * * *

تره الطيب كَلب لوروحه دوله وجيش
والله بكلمه طيبه
بلحظه تحتــله!!
* * * *
وامشي اويَ اليحبك مثل ميماشيك
وبلحظة غضب
لا تحسب الزله..
* * * *
احسب باجرك لتكَول بس اليوم
اكَل الهذا هيج
وذاك ماكَلــه
* * * *
باجر بس ورق من يمشن الأقلام
وتبقه شخله هذا..
وهذا اله اشخله
* * * *
الما ضاك العنب وبعزه كا خسران
وعمت عينه بمذله
التارس السله
ولا تركض عبث والحلم بالتكوين
حلم الما وصل
لتروح توصلًه
واخلف شورهم وكلهم سمعت الشور
العقل من غير شورك
غلط تقبلًه
السمع صوت الشمس يندلها تطلع وين
ودرب صوت الشمس
عميان تندله
ولتظل تلتفت مره اعله هذا وذاك
وتشد لهذا راس
وذاك اله اتفلــه
* * * *
يم باب الصبح لتاني يطلع نور
لوتمشي بستر لو كَوة
تدخلّــــــه
* * * *
صوتك مو جذب لاتشتريله اجناح
وبلسان الصدك
للغيم يتعلّــه…
* * * *
انته البيك واضح بس عقول الناس
تريد ابجف غموض
الواضح تحلـــه
* * *

ظل انته اعله حالك هذا حالك دوم
ضميرك بيه ملك
واعليك يتولّــه
* * * *
والبروحه جبل ميهمه من اتصير
تله وجوه رجله
من امده التلــه
* * * *
والمخلص العمر خطواته بالصعبات
ميتوسل شدد
بالصعبه تسهلّه…
* * * *
الشمع لو يبقه طافي الظلمه ماتكَضيه
شعل راسه بضوه
ويدري الضوه ايسلّه!!

*****

ولمن تشتعل لتكَول بيه النــــــار
واليسـألك اشلونك
تدري شتكَلــــه؟!
* * * *
كَله اهنانه ضلي وآنه ظل هناك
ونار اليشتعل
متين بضلــه
* * * *
وانته اتعلمت من يوم عشر اسنين
الوكت خيط المصايب
وانته تغزلّـــــه…
* * * *
ولأن ضايكَ تعبهه وشايف اللوعات
المصايب ماتهزك
بيهه تتسلّــــه!!
* * * *

يالمعاشر اشد اثنين للأنســــــــــان
اذا جلن عليــــه
يكَضن عليه كلـــه..
* * * *
العشكَ كض الفقر سولف عليك هواي
وكَََََلّه اشكَد تعب بس
ماتـــرك خــله!!
* * * *
ذنبك ماعفتهم ذنبك العافـــــوك
وانته بــلاذنب
بس للذنب صلّه
* * * *
كَلبك بيه حرب ميسكنه ياهو الجان
ظـل بس الكَدر
والماكَدر ولَـــه
* * * *

وجرحك مايفز الّه اعله صوت احباب
واذا ماصح محب
مايشتكي العلّه
+++++++++++++

هذا ولكم مني خالص الود والاحترام

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

اللهم صل على محمد وآل محمد

عااااااااااااااااااااااااااااااااااشت الايادي روعه

دوم تنتقي القصائد الحلوة اللي قوية بمعانيها

تحياتي الك

عاشت الايادي

ننتظر المزيد

أسعد العزاوي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
تعزيني بغيابك كومه شمات ...تعال بداعه الله خل يسكتون
أرجع ألي واليصير يصير تعال أشيلك بهاي العيون
موقعي على الفيس بوكhttps://facebook.com/alsaha3er

الله عليك دوم اختيارك جميل للقصائد

عاشت الايادي يامبدع

نتظر المزيد حبي

تحياتي

ـــــــــــــــــــــــــــــــــــــــــــــــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

» نذرنالك للشاعر جبار رشيد
» لمحتلك ,, للشاعر جبــار رشيد ,,
» جبار رشيد ::. وبس اهناا
» رائعة الشاعر (( جبار رشيد _ ظل وياي اريدك )) فيد شي حنين
» قصيدة الشاعر الكبير جبار رشيد (خذني يمك)..شعر ""رائع""