صفـــوة الجود ...للصديقة الطاهرة فاطمة الزهراء (ع)

صفــــــــــــــوة الجــــــــود

نطفه نور او جيتي من اصلاب نور

انتِ يازهراء .. يكفي بنتُ مَن

بنتُ من اسرى به الرب الجليل

انتِ بنت الماسجد يوم الوثــن

انتِ ام حسين اسير الكرُبات

وانتِ ام الطاهر السبط الحسن

انتِ زوجة حيدره فحل الفحول

الجاهد ابأيمانه سراً وعلـــــن

ثلث نور الجنة نورج فاطمة

والكواكب قبس من نورج خـذن

انتِ ميزان العلم طوعه بديج

والتوسل بأسمج اذنوبه انمحـــن

اسمج بساق العرش وحروفه نور

اوكبّه تحت العرش صارتلج وطن

لو مه ابو الحسنين من غيره يكون

كفء الج مولاتي ويكون السكن

يالضريحج روضه من روض الجنان

والج في كل كلب شباج او صحن

افطمت ِ من والاج من رهبة النار

والتشفعيلة يطب جنــــــــــة عدن

انتِ حجة اعله الأئمة ابلا جدال

وانتِ والكرار بالتقوى مـــــــــــعاً

ياعديلة مريم او صفوة الجود

او يا وعاء المعرفة الطاهر لبــــن

الناس تسعى اعله المكارم ماتنول

والمكارم زحف لأجدامج سعـــن

من جلال الله طينج يالبتول

يفخر آدم بيــــــج من حقه اذن

ياعجينة طُهر ويفوح العبير

او نورج الزاهر فلايطفه ولـــــن

الزهد والكرم طبعج والإيثار

وأكله تحميد او تسابيح البــــــدن

بالسما المنصورة سّماج الإله

وأسمه الأعظم كان عندج مؤتمن

او من اسم فاطر اشتقلج فاطمة

وحاشه بعدج حاشه ماجاد الزمن

بالوسيله مسكنج وسط الجنان

كوثر .. اويورد زلاله المؤمنيـــن

انتِ مشكاة الولاية ، ام الأنوار

او رحمه من نور او تدلي التايهين

ام ابيها ، انتِ ياروح الرسول

مانكر حقج سوى باغي او لعيــن

ابسفينة نوح الج بسمار نور

شد ظلعها او خلت الروجه تليـــــن

من عرف حقج حضه ابليلة القدر

او ماحضوا اعداج من صاموا سنين

ارضعتي در الكرم من خير النساء

ياجبين انصع بعد من هالجبيــــــن

من تهل ذكراج .. نهر امن الدموع

اتفيض جرفينه تحت كبة الحسين

نحضن الشباج ندري انتِ وراه

ناصر اتدورين لحسين او معيـــــن

عن يمينج خيم شبّت بيها نار

او جرف بي عباس ظل ابليه ادين

او عن يسارج زينب تحاجج يزيد

او رمح شاخص وكف زين العابدين

هيجي مولاتي طريق العز يكون

او لو ما انتو الدين ظل ابلايه دين

الشــــاعر رياض الركابي

الف شكر ورده

ـــــــــــــــــــــــــــــــــــــــــــــــــــــــــــــــــــــــــــ

[center][ندعوك للتسجيل في المنتدى أو التعريف بنفسك لمعاينة هذه الصورة]

[/center]

شكرا خيتوو بنوته على القصيده المتميزه

هموني
ضوء القمر
اخواني الأعزاء
عطرتم موضوعي بكلماتكم
دمتم بخير و عافيه
لكم تحياتي
بنت كربلاء

» أبوذيات لوفاة فاطمة الزهراء عليها السلام
» تحية لاصحاب الاقلام الطاهرة
» أشعار الزهراء عليها السلام
» شعر فاطمه الزهراء للإمام علي في اخر ايامها